Чехиа Апарламент Сенат ахантәаҩы  Милош Выстрчил анапхгара ззиуа аделегациа  аофициалтә визитла Қырҭтәыла иаҭааит.  Ари аинформациа аланарҵәеит Қырҭтәыла апарламент апресс-маҵзура.

Қарҭтәи аҳаирбаҕәазаҿы асас иҧылеит Қырҭтәыла апарламент ахантәаҩы актәи ихаҭыҧуаҩ Гьаргь Вольскии ақырҭуа-чехиатәи апарламенттә аиҩызаратә гәыҧ ахантәаҩы  Иракли Чиқовании.

Чехиа апарламент Сенат ахантәаҩы Қырҭтәыла апарламент аспикер Шьалуа Папуашвили диҧылоит. Аиҧылара ашьҭахь аганқәа апрессазы аҳәамҭақәа ҟарҵоит. Иара убас,  Милош Вистрил  апарламенттә оппозициатә фракциақәеи, аполитикатә гәыҧқәеи, апарламенттә аиҳареи дырҧылоит. Чехиатәи аделегациа алахәылацәа ақырҭуа рколлегацәа ирҧылараны иҟоуп.

Авизит аҳәаақәа ирҭагӡаны, Чехиатәи апарламент Сенат ахантәаҩы Чехиа-Қырҭтәылатәи абизнесфорум аартра ихы алаирхәоит.  Милош Выстрчили ицу аделегациеи Одиси ақыҭан иҟоу ампыҵахалатә цәаҳәашҟа инеиуеит.