Визитла Қырҭтәыла иаҭааиз Германтәыла адәныҟатәи аусқәа рминистр Анналена Бербок ампыҵахалатә цәаҳәа иазааигәоу  Оӡиси ақыҭаҿ дыҟан.

Ари атәы аанацҳаит Қырҭтәыла иҟоу Евроеидгыла ахаҭарнакра.

«Қырҭтәыла иҟоу Евроеидгыла Анаҧшцәа Рмиссиа анапхгаҩы  Димитриос Карабалис иахьа Германтәыла адәныҟатәи аусқәа рминистр  Анналена Бербок дылҧылеит. Лара ампыҵахалатә цәаҳәа иазааигәоу Оӡиси ақыҭан дыҟан. Анаҧшцәа Рмиссиа анапхагаҩы аминистр аинформациа наӡа лиҭеит аҭыҧаҿ ашәарҭадара аҭагылазаашьа иазкны. Иара иаҵшьны иазгәеиҭеит абордеризациа апроцесс административтә аҳәааҿы ауаа реиҭаҵра ишаҧырхагоу.

Адәныҟатәи аусқәа рминистр Анаҧшцәа Рмиссиа анапхгаҩы ҭабуп ҳәа иалҳәеит илоуз аинформациеи Қырҭтәылеи инеизакны арегиони рҿы аҭышәынтәалара аиқәыршәара аус аҿы амиссиа иҟанаҵо алагала дуи азыҳәан. Евроеидгыла Анаҧшцәа Рмиссиаҿы Германтәыла ахаҭарнакра зегьы реиҳа идууп, амиссиаҿ аус руеит  28ҩык Германтәыла атәылауаа», —  иануп апресс-релиз аҿы.