Андреи Сибига идҵала Қырҭтәыла Украина аусқәа рзы аамҭалатәи ахаҭарнак Михаило Харишин аԥсадгьыл ашҟа дхынҳәит - "Аибашьра иҭагылоу атәыла ацҳаражәҳәаҩцәа аибашьра ареалра иаҟәыганы иҟазар ҟалом"
Украина Адәныҟатәи аусқәа рминистр ҿыц Андреи Сибига идҵала Қырҭтәыла Украина аусқәа рзы аамҭалатәи ахаҭарнак Михаило Харишин аԥсадгьыл ашҟа дхынҳәит.Ари атәы Сибига асоциалтә каҭаҿы иҩит.
Аминистр ҿыц иажәақәа рыла, аибашьра иҭагылоу атәыла ацҳаражәҳәаҩцәа аибашьра ареалра иаҟәыганы иҟазар ҟалом.
“Ацҳаражәҳәаҩс аусура иаанаго ибзиаӡаны исдыруеит, ари аус иаҳа иеффектны анагӡара иаанагогьы исдыруеит. Иахьа ацҳаражәҳәаҩцәа зегьы азыҟаҵаҩ ироль нарыгӡароуп, апроактивтә аӡбарақәа рыдкылара ихала илшароуп, ихатә хымҩаԥгашьала украинатәи адипломатиа шыӷәӷәо идирбоит. Арҭ аҟазшьақәа аазырԥшуа адипломатиатә маҵзура аусуҩ цыԥхьаӡа сидгылоит”, – иҩит Сибига.
