«Қырҭтәылеи Украинеи ирзеиҧшу аҕак дрымоуп, иара еиҧҟьарада ҳтәылақәа дыржәылоит, убри аҟынтә, жәларбжьаратәи аплатформақәа зегьы рҿы ҳпозициақәа еиҧшуп», — иҳәеит  Қырҭтәылаҿ Украина аусқәа аамҭала знапы иану  Андреи Касианов Украина аибашьра иалагеижьҭеи шықәсык аҵара инамаданы Орбелианиаа рханаҿ имҩаҧгаз ауснагӡатә аҿы.

Андреи Касианов иажәақәа рыла, Қырҭтәыла ақырҭуа бираҟ авара ишьҭыху украинатәи абираҟ ашьарҵәыратә Путин иҿагыларазы ҳаидгылара адыргоуп.

Иара убас, Касианов ишазгәеиҭаз ала, адемократиатә жәларбжьаратәи уаажәларра ибзианы еилыркааит  Европа мацара акәымкәа, адунеи зегьы аҧеиҧш Украина аиааира   ишхьыҧшу.

«Убри абзоурала, ҳара еиуеиҧшым ацхыраара ҳауеит. Шәареи ҳареи аҕак дҳамоуп, ампыҵахалаҩк дҳамоуп, иара еиҧҟьарада ҳтәылақәа дыржәылоит, убри аҟынтә, Қырҭтәылеи Украинеи рҵакырадгьылтә акзаара аиҭашьақәыргылара иадҳәаланы жәларбжьаратәи аплатформақәа зегьы рҿы ҳпозициақәа еиҧшуп», — иҳәеит  Касианов.