Цәыббра 11 рзы Қырҭтәыла Амилаҭтә банк Амонетатә политиказы акомитет аилатәара мҩаҧган. Акомитет алахәылацәа рыӡбарала,  амонетатә политика азыҧҵәа ишыҟаз еиҧш иаанхоит.

Амонетатә политика азыҧҵәа  8% ираҟароуп.

Амилаҭтә банк адыррала, Қырҭтәыла аинфлиациа  3% иаҟароу хықәкылатәи арбага аасҭа имаҷуп, ахәқәа рыхәқәа  1,0% ала ишьҭыҵит, абазатә инфлиациа  0,9% иаҟароуп.

Иара убас, иҵоуроу афактқәа шыҟоугьы, аглобалтә економикатә ҭагылазаашьа ҭышәынтәалам, уи амшала аинфлиациатә ақәыҕәҕәара иацлар ауеит.  Жәларбжьаратәи аџьармыкьақәа рҿы  анефҭи афатәаалыҵи рыхәқәа рдинамика зеиҧшрахо идырым, убри аҟынтә, аимпорттә тауарқәа ринфлиациа ашәарҭара иҟоуп.

«Атәыла аҩныҵҟагьы анҭыҵгьы аҭагылазаашьа анализ азуны, Қырҭтәыла Амилаҭтә банк  амонетатә политика азыҧҵәа имҧсахкәа иааннажьит. Уажәазы амонетатә политика азыҧҵәа  8,0% ираҟароуп. Аинфлиациатә шәарҭарақәа маҷхар, Амилаҭтә банк азыҧҵәа армаҷра нанагӡоит. Аха, аинфлиациазы анырра  цәгьа змоу афакторқәа рацәахар,  амонетатә политика арџьбара, мамзаргьы уажәтәи апозициа акыраамҭала ааныжьра  ахымҧадара ҟалар ауеит», — иануп Амилаҭтә банк аинформациаҿы.

Амонетатә политика азҵаарақәа рзы акомитет анеҩстәи аилатәара мҩаҧысуеит  2024 шықәса жьҭаара 23 рзы.