Қырҭтәыла Амилаҭтә банк  иахьа Европарламент иаднакылаз арезолиуциа иахцәажәеит.

Қырҭтәыла Амилаҭтә банк аҳәамҭаҿы ишазгәаҭоу ала,  «арезолиуциа абжьгаратә ҟазшьа амоуп, аха, уезгьы,  иахьатәи арезолиуциаҿы Қырҭтәыла Амилаҭтә банк ахада Наҭиа Турнава асанциақәа лзышьақәыргыларазы иҟаҵоу ааҧхьара  – атәыла ихьыҧшым афинанстә институт аполитикатә ақәыҕәҕәара аклассикатә ҿырҧштәуп».

«Иахьатәи арезолиуциаҿы Қырҭтәыла Амилаҭтә банк ахада Наҭиа Турнава асанциақәа лзышьақәыргыларазы иҟаҵоу ааҧхьара  – атәыла ихьыҧшым афинанстә институт аполитикатә ақәыҕәҕәара аклассикатә ҿырҧштәуп ҳәа ҳгәы иаанагоит, ари аҽазкра иалахәып аҭыҧантәи аполитикатә мчқәагьы. Рыцҳарас иҟалаз, арҭ аполитикатә мчқәа, рхатә политикатә интересқәа рынагӡаразы, атәыла аекономикатә аҿиареи афинанстә сектор аҭышәынтәалареи ашәарҭара иҭадыргылоит. Гәалсрала иазгәаҳҭар ҳҭахуп ари ахықәкы анагӡаразы Европарламент аплатформа рхы ишадырхәаз.

Ихьыҧшым афинанстә институт ақәыҕәҕәара, Қырҭтәыла Амилаҭтә банк ма абанктә сектор адискредитациа  ҟалом, уи жәларбжьаратәи астандартқәа  ирҿагылоит.

Қырҭтәыла Амилаҭтә банк,  ихьыҧшым,  иҭышәынтәалоу аинститут аҳасабала,  Аконституциеи атәыла азакәанқәеи рыла ианашьоу амандат аҳәаақәа ирҭагӡаны,  атәылаҿ ахәқәа рҭышәынтәалареи афинанстә ҭышәынтәалареи ахылаҧшра нанагӡоит», — иануп Амилаҭтә банк аҳәамҭаҿы.