Америка аҳәынҭқарратә маӡаныҟәгаҩ ицхырааҩ Џьим О’Браиен иҳәамҭала, иара ақырҭуа депутатцәа драцәажәеит

Европеи Евразиеи рызҵаарақәа рзы Америка аҳәынҭқарратә маӡаныҟәгаҩ ицхырааҩ  Џьим О’Браиен асоциалтә аҳаҿы  Қырҭтәыла имҩаҧысуа ахҭысқәа дрыхцәажәан,  ишиҩыз ала,   иара ақырҭуа депутатцәа драцәажәеит.

«Акрызҵазкәа аиҿцәажәара ҳаман,  ақырҭуа депутатцәеи сареи ҩ-ганктәи ҳаизыҟазаашьақәа ҳрылацәажәеит. Кремль изыдгыло  «Атәым анырра аартызаара иазку» азакәан  даараӡа ҳшаргәамҵуа расҳәеит. Ари азакәан Қырҭтәыла евроинтеграциа иаҧырхагахоит», — иҩит  Џьим О’Браиен асоциалтә аҳаҿы.