Америка Аҳәынҭқарратә департамент  - Венди Шерман   Давиҭ  Залкалиани изышьақәлырҕәҕәеит Америка Қырҭтәыла ахьыҧшымреи аҵакырадгьылтә акзаареи ишадгыло
Америка Аҳәынҭқарратә департамент  - Венди Шерман   Давиҭ  Залкалиани изышьақәлырҕәҕәеит Америка Қырҭтәыла ахьыҧшымреи аҵакырадгьылтә акзаареи ишадгыло

Америка Аҳәынҭқарратә департамент   аҳәынҭқарратә маӡаныҟәгаҩ ихаҭыҧуаҩ  Венди Шермани Қырҭтәыла  адәныҟатәи аусқәа рминистр Давиҭ Залкалиании ҭелла реиҿцәажәара иазку аинформациа аланарҵәеит.

Аусбарҭа апресс-маӡаныҟәгаҩ  Нед Праис иҳәамҭала,  аиҿцәажәара аан Венди Шерман   Давиҭ  Залкалиани изышьақәлырҕәҕәеит Америка Қырҭтәыла ахьыҧшымреи аҵакырадгьылтә акзаареи ишадгыло

Венди Шерман ишазгәалҭаз ала, Америка ҳаҧхьаҟагьы Урыстәылахь ааҧхьара ҟанаҵоит аибашьранӡатәи апозициақәа рахь арбџьармчқәа рырхынҳәреи  амца аанкылара иазкны  2008 шықәсазы аганқәа ирыдыркылаз аиқәшаҳаҭра анагӡареи азы.

Аҳәынҭқарратә маӡаныҟәгаҩ ихаҭыҧуаҩ  Венди Шермани Қырҭтәыла  адәныҟатәи аусқәа рминистр Давиҭ Залкалиании  иаҵшьны иазгәарҭеит ихьыҧшым аҳәынҭқаррақәа дара ршәарҭадара аиқәыршәаразы амеханизмқәа ралхра азин шрымоу. Иара убас  аганқәа рхаҭарнакцәа Европа аҵакырадгьыл аҿы аҭынчреи ашәарҭадареи арҕәҕәара иацхрааша амҩақәа ирылацәажәеит.

 

 

Акомментари аҟаҵара