Амедиа адыррақәа рыла, Китаи, ари атәыла азарал азаазгаша Америкаҟны ахәаахәҭратә еиқәшаҳаҭра здызкыло аҳәынҭқаррақәа агәҽанҵара рнаҭоит.   „Блиумберг“ ари аинформациа аланарҵәеит Китаи акоммерциа аминистрра адырра шьаҭас иҟаҵаны.

Пекин ишаарыцҳаз ала, дара Америкаҟны ахәаахәҭратә аимакқәа рҭыҧқәҵар а иазку атәылақәа рҽазышәарақәа пату рықәырҵоит, аха, „иарбанзаалак ганк ала Китаи аинтересқәа рхарџьла аиқәшаҳаҭра адкылара иақәшаҳаҭым“.

„Абри аҩыза ак ҟалар, Китаи ахаангьы уи иақәшаҳаҭхом, иаҭакны иџьбароу ашьаҿақәа ҟанаҵоит. Китаи, ақәмақарра ақәҿыҭреи аҿагылареи азыҳәан,  аганқәа зегьы рҟны акоординациа арҕәҕәара иазыхиоуп“, – ирҳәеит Китаи акоммерциа аминистрраҿы.

Уаанӡа,  „Уол сҭриҭ џьорнал“ иаланарҵәаз аинформациа ишану ала, Америка аиҳабыра еиуеиҧшым атәылақәа рҟны атарифқәа раҧыхра иазку аиҿцәажәарақәа рҳәаақәа ирҭагӡаны, арҭ атәылақәа рҟынтә иаҳәоит Китаи аҟны ахәаахәҭра иаҟәыҵырц. Аҭыжьымҭа ишану ала, Аҩны шкәакәа атәымтәылақәа аҳәара рзықәдыргылеит дара ртәылақәа ирылганы китаиатәи аалыҵ амаҩангареи, ртәылақәа рҿы китаитәи аофисқәа раартреи, рџьармыкьақәа рахь зыхә лаҟәу китаитәи аалыҵ анагареи азы мап ркырц.