«Амуниципалтә алхрақәа анааигәахо аамҭазы, иазҿлымҳау аганқәа алхратә администрациа рдискредитациа иазку акампаниа иаҳа идырҭбааит, ари апроцесс аинтенсивтә ҟазшьа аиуит», — иануп Алхратә комиссиа хада аҳәамҭаҿы.

«2024 шықәсатәи апарламенттә алхрақәа рышьҭахь аа-мза ҵит, аха, аӡәгьы иахьанӡагьы алхрақәа рҧаршеира иазкны аконкреттә ашаҳаҭгақәа цәыримгеит. Зугәра угаша факткгьы цәыррымгеит. Аха, уажәы, аҭыҧантәи алхрақәа рҿы апартиақәа рылахәызаара азҵаара иқәгылоуп,  аполитикатә субиектқәак  активла адискредитациатә кампаниа мҩаҧыргоит, алхрақәа уезгьы ииашамкәа имҩаҧгахоит, урҭ рылахәызаара изакәызаалак ҵакык амам ҳәа рҳәоит.

Иаҵшьны иазгәаҳҭар ҳҭахуп алхрақәа рылахәызаара ма рыламхәызаара азҵаара Алхратә комиссиа хада акомпетенциақәа ишрыҵанамкәа. Ашықәс ианалагаз инаркны акомиссиа активла аус ауеит арҭ алхрақәа иҳаракӡоу аҩаӡараҟны рымҩаҧгаразы. Ҳара уи иаҳуалуп, уи азы аҭак ҳаҧхықәуп, убри аҟынтә,  аӡәгьы ари апроцесс аҧырхагахара азин иаҳҭом.

Ҳара иазҿлымҳау аганқәа зегьы рахь даҽазнык ааҧхьара ҟаҳҵоит шьаҭак зҵам, иҵаҵгәыркым ахарадҵарақәа ирҟәаҵны, аполитикатә мзызқәа рзы амцҳәара иаҟәыҵырц. Ҳара, гәҽанызаарала аусура наҳагӡоит. Зхы иақәиҭу, ииашоу алхрақәа рымҩаҧгаразы иаҭаху зегьы ҟаҳҵоит», — иануп Алхратә комиссиа хада аҳәамҭаҿы.