Алхратә комиссиа хада апартиақәа иргәаланаршәоит аҭыҧантәи ахаланапхгаратә органқәа рахь алхрақәа рҽалархәра азин аиура аҭагылазаашьақәа. Акомиссиа аҳәамҭа ишану ала, алхрақәа рҽалархәра зҭаху апартиақәа ари азин аиуразы иаҭаху апроцедурақәа зегьы ирхысроуп.

«Ишдыру еиҧш, аҭыҧантәи ахаланапхгаратә органқәа рахь алхрақәа мҩаҧысуеит  2025  шықәса жьҭаара актәи асабшаз  (жьҭаара 4 рзы).

Алхратә комиссиа хада алхрақәа рҽалархәра зҭаху апартиақәа рахь ааҧхьара ҟанаҵоит иашьашәалоу азин аиуразы иаамҭаны апроцедурақәа зегьы ирхысырц.

«Қырҭтәыла алхрақәа закәанеидкыла» инақәырәшаны,  алхрақәа рҽалархәразы азин аиура амзызла, апартиақәа рнапхгаҩцәа Алхратә комиссиа хада ахантәаҩы ихьӡала арзаҳал аларҵароуп:

а) Сакребуло ахь алхрақәа рыҿҳәара анҧырҵәалак, алхрақәа рҟнынӡа  57 мшы шагу, апартиа апартиа абарҭ аҭагылазаашьақәа ирышьашәалазароуп: а.а) аҵыхәтәантәи апарламенттә алхрақәа раан арегистрациа иахысит; а.б) алхрақәа рыҿҳәара ашьақәыргылара амш азы Қырҭтәыла апарламентаҿ ахаҭарнак дамазароуп.

Абарҭ аҭагылазаашьақәа ирышьашәалам апартиа, арзаҳал инаваргыланы, анапаҵаҩратә бҕьыцгьы цәырнагароуп. Апартиа, нанҳәа 1 иахымгакәа, Алхратә комиссиа хадаҿы ицәырнагароуп  ахаланапхгаратә алхрақәа рҿы апри апартиа алахәызаара иақәшаҳаҭу  25 000ҩык алхыҩцәа рнапынҵақәа», – иануп Алхратә комиссиа хада аинформациаҿы.