Али Асадов – Азербаиџьани Қырҭтәылеи еицынарыгӡо амегапроектқәа арегионаҿ қәҿиарала  аусеицура аганахьала иҿырҧшыгоуп, Аахыҵ Кавказ атрансформациа иацхраауеит
Али Асадов – Азербаиџьани Қырҭтәылеи еицынарыгӡо амегапроектқәа арегионаҿ қәҿиарала  аусеицура аганахьала иҿырҧшыгоуп, Аахыҵ Кавказ атрансформациа иацхраауеит

«Азербаиџьани Қырҭтәылеи еицынарыгӡо амегапроектқәа арегионаҿ қәҿиарала аусеицура аганахьала иҿырҧшыгоуп, Аахыҵ Кавказ атрансформациа иацхраауеит», — иҳәеит Азербаиџьан аҧыза-министр Али Асадов Қырҭтәылеи Азербаиџьани рекономикатә усеицура аиаҳабырабжьаратә комиссиа 10-тәи аилатәара аартраан.

Иара иажәақәа рыла, арҭ апроектқәа арегион аенергетикатәи атранспорттәи ахсаала рыҧсахит.

«Ҷыдала иалкаатәуп Аладатәи корридор. Ҳтәылақәа абри астратегиатә проект анагӡараҿы ароль ду нарыгӡоит. Аилахәыра  SOCAR ақырҭуа џьармыкьашҟа агаз анагара нанагӡоит. Анефҭ аусхкы аҿгьы ҳусеицура қәҿиарала инагӡоит.  Бақәа-Қарҭ-Џьеиҳан анефҭмҩангагала имҩанган  30 миллион тонн анефҭ.  Кулеви иҟоу атерминал азҵаара актуалтә ҵакы амоуп. Аиқәшаҳаҭра ҳабжьаҳҵахьеит. Хара имгакәа,  Кулеви атерминал аҟынтә анефҭ аӡа амҩангара ҳалагоит.

Иара убас, иахьа ҳара  Европаҟа ицо «аенергетика иаҵәа» ацҳа аргылара ҳаҿуп. Амшын еиқәа иалсны ицо аенергетикатә кабель апроект еицынаргыӡоит Азербаиџьани, Қырҭтәылеи, Румынтәылеи, Венгриеи.  Ари апроект Европа аенергетикатә шәарҭадаразы аҵакы ду амоуп», — иҳәеит  Али Асадов.