Америка ҳтәыла астратегиатә партниоруп, абри аҩыза, зранг ҳараку авизит лабҿааба аанарҧшуеит Америкеи ҳареи ҳусеицура шыҕәҕәоу, — иҳәеит апартиа  «Қырҭтәыла адгыларазы» алахәыла  Алеқсандр Хоџьеванишвили Америка аҳәынҭқарратә маӡаныҟәгаҩ ицхырааҩ инапынҵақәа назыгӡо Филипп Рикер Қырҭтәыла ивизит данахцәажәоз.

Хоџьеванишвили ишазгәеиҭаз ала, апартиа  «Қырҭтәыла адгыларазы»  ахаҭарнакцәа   Рикер иҧылоит.

«Аиҧылраҿы ҳтәылазы зҵакы дуу азҵаарақәа ҳрылацәажәоит  — евроинтеграциа, Қырҭтәыла адеокупациа, атәыла аҩнуҵҟа имҩаҧысуа аполиткиатә процессқәа, алхрақәа уҳәа, убас егьырҭгьы», — иҳәеит  Хоџьеванишвили.

Уаха, визитла Қарҭ даҭаауеит Америка аҳәынҭқарратә маӡаныҟәгаҩ ицхырааҩ инапынҵақәа назыгӡо Филипп Рикер. Иара итурне аҳәаақәа ирҭагӡаны, рашәара  6 -13 рзы, Қырҭтәылеи, Азербаиџьани, Шәамахьтәылеи дырҭаауеит. Америка Аҳәынҭқарратә департамент аинформациа ишану ала, Филипп Рикер  Қырҭтәыла аиҳабыра алидерцәеи, аоппозициеи, атәылауаҩратә уаажәларреи дырҧылоит. Зыӡбахәы ҳәоу аиҧыларақәа ақырҭуа политикатә партиақәа рыла Шарль Мишель идокумент анагӡареи, иара убас, аурыс агрессиеи  Қырҭтәыла ампыҵахалареи иазкызаауеит.