« 2019 шықәсазы сара Аҳәынҭқарратә шәарҭадара амаҵзура анапхгаҩы ихаҭыҧуаҩс сыҟан. Чорчана ақыҭан аҧыҧшырҭа аартразы адискуссиақәа мҩаҧысуан, уи атәы здыруан. Убри азоуп апрокуратурашҟа изсыҧхьаз», — иҳәеит Қырҭтәыла апарламентаҿ иҟоу ашәарҭадареи ахыхьчареи азы акомитет ахантәаҩы, Аамҭалатәи аусеилыргаратә комиссиа иалахәы Алеқсандр Табатаӡе.

«Чорчана ақыҭан аҧыҧшырҭа аартра алҵшәа цәгьа ахылҵит. Араҟа  100 гектар абнароуп. Хашуртәи араион иқәынхоз ауааҧсыра рыхәҭак аимпыҵахалатә цәаҳәа нхыҵ иаанхеит. Насгьы, ақырҭуа аган ҧыҧшырҭак ауп идыргылан, аурысцәа  — 5 ҧыҧшырҭаки амобилтә ҧыҧшырҭаки. Абри ауп иҳауз.

Дара Аҳәынҭқарратә шәарҭадара амаҵзура аиҳабы ианиҧыла ашьҭахь ауп абри зегьы ианеилыскааз. Аҭагылазаашьа шыуадаҩхаз ҳбеит. Асепаратисттә режим изныкымкәа жәларбжьаратәи аиҿкаарақәа адырра рырҭеит. Анеҩс, аҭагылазаашьа адеескалациа амзызла, ари аус аҽаланагалеит Ашәарҭадара амаҵзура.

Хымҧада иҟаҵатәыз ҟаҳҵеит. Зегьы реиҳа ихадоу – амца аартра ашәарҭара ҳацәцеит.

Акоуп ишәасҳәар исҭаху:  2022 шықәса инаркны Қырҭтәыла аиҳабыра рхала аӡбарақәа рыдыркылоит. Ҳәарада,  жәларбжьаратәи ҳпартниорцәа иҳарҭо абжьагарақәа ирыдҳәаланы еснагь  аҳасабырба рызцәыраагоит» – иҳәеит Алеқсандр Табатаӡе.