Алан Гаглоев – Еиҟәшоу ауаҧс жәлар иаку Урыстәыла аилазаараҿы реидҵара аидеиа сақәшаҳаҭуп, аха, даҽа зҵаарак иҟоуп  – абри аҭоурыхтә хҭыс уажәоума ианаамҭоу
Алан Гаглоев – Еиҟәшоу ауаҧс жәлар иаку Урыстәыла аилазаараҿы реидҵара аидеиа сақәшаҳаҭуп, аха, даҽа зҵаарак иҟоуп  – абри аҭоурыхтә хҭыс уажәоума ианаамҭоу

«Сара, Аахыҵ Уаҧстәыла ажәлар иалырхыз ахада иаҳасабла,  еиҟәшоу ауаҧс жәлар иаку Урыстәыла аилазаараҿы реидҵара аидеиа сақәшаҳаҭуп, аха, даҽа зҵаарак иҟоуп  – абри аҭоурыхтә хҭыс уажәоума ианаамҭоу,  », — иҳәеит  импыҵахалоу Цхинвалтәи арегион де-факто ахада  Алан Гаглоев.

Гаглоев иҳәамҭала,  Аахыҵ Уаҧстәыла Урыстәыла адлара – ауаҧс жәлар ашәышықәсатәи ргәазыҳәароуп, аха, Аахыҵ Уаҧстәылатәи ареспублика, Урыстәылатәи афедерациа апартниор ҳасабала,  Урыстәылатәи афедерациаҟны аинтеграциеи аидгылареи иазку аиқәшаҳаҭра 1тәи ахәҭаҷ ақәныҟәара иауалуп.

«Астатиа инақәыршәаны, аганқәа, еиқәшаҳаҭны, дара-дара ринтересқәа иазҧхьагәаҭаны, адәныҟатәи аполитика мҩаҧыргоит, уи ала иазҧхьагәаҭоуп еиуеиҧшым аусхкқәа рҿы аусеицуреи, ари ахырхарҭала имҩаҧырго ауснагӡатәқәа ирызку аинформациа аиҭныҧсахлареи. Абраҟа зҵаарак цәырҵуеит  –   Анатоли Бибилов  абарҭ аҭагылазаашьақәа наигӡама, иара аӡбара анидикылоз Урыстәылатәи афедерациаҿы иашьашәлоу азинмчы змоу амаҵзуратә хаҿқәа дразҵаама? Ус ҟаиҵеит ҳәа сгәыҕуеит, мамзар, 1992 шықәсатәи ареферендум аҧеиҧш еиҭаҟалар ауеит. Ишәхашҭзар, ишәгәаласыршәар сҭахуп 2014 шықәсазы Лугансктәии Донецктәии жәлартә республикақәа Урыстәылатәи афедерациа иазымҵаакәа, уи адлара азҵааразы ареферендум шымҩаҧыргаз.  8 шықәса ҵит, ишаабо аала, дара макьана  рхықәкы рзынарымгӡеит. А. Бибилов  абри аҩыза аҭагылазаашьаҿы ареферендум азы аҽазыҟаҵара апроцесс дазхәыцма?  Аахыҵ Уаҧстәыла ажәлар агәра дсыргар сҭахуп ареферендум иадҳәалоу ауснагӡатәқәа зегьы жәларбжьаратәи азинтә нормақәа ирышьашәаланы,  Урыстәылатәи афедерациаҟны аконсультациақәа мҩаҧганы ишымҩаҧысуа», — иҳәеит  Гаглоев.

Импыҵахалоу Цхинвалтәи арегион аҿы Гаглоев иинаугурациа мҩаҧысраны иҟоуп лаҵара 24 рзы. Анатоли Бибилов  иӡбарала, Урстәыла ала импыҵахалоу ақырҭуа регион Урыстәыла алалара азҵаразы ареферендум мҩаҧысраны иҟоуп рашәара 17 рзы.

 

Акомментари аҟаҵара