Аконгресс Адәныҟатәи еизыҟазаашьақәа ркомитет гәыԥҩык алахәылацәа “Атәым нырра аартызаара иазку” азакәанпроект иадҳәаланы Иракли Кобахиӡе иахь ааԥхьара ҟарҵеит.

“Иахьа, Ахаҭарнакцәа рпалата Адәныҟатәи еизыҟазаашьақәа ркомитет алахәылеи ахантәаҩи – Грегори Миқси Маикл Макколи Европа акомитетмаҷ алахәылеи ахантәаҩи Уиллиам Китинги Томас Кини Қырҭтәылатәи Ареспублика аԥыза-министр Иракли Кобахиӡе иахь аофициалтә ааԥхьара ҟарҵеит, ааԥхьараҿ урҭ “Атәым нырра аартызаара иазку” азакәанпроект иаҿагылоит. Ашәҟәы рнапы аҵарҩуеит 25-ҩык рыла ишьақәгылоу ҩпартиатә гәыԥ, урҭ иреиуп Остин Скотти Герри Коннолии.

“Атәым нырра аартызаара иазку” азакәанпроект ала Қырҭтәыла аиҳабыра Қырҭтәыла иҟоу атәылауаҩратә еиҿкаарақәеи зхы иақәиҭу аихқәеи  ркыдцалареи, ашәахтәқәа рықәҵареи алшара аиуеит”, – иануп аҳәамҭа аҿы.