Аинфраструктура аминистр иҭыԥ Иракли Қарселаӡе ицынхәрас Реваз Сохаӡе иааникылоит, – абрифинг аҿы ааицҳаит Қырҭтәыла аԥыза-министр Иракли Кобахиӡе.

„Реваз Сохаӡе ҳполитикатә гәыҧ далеижьҭеи акрыҵуеит. Иара Қарҭтәи аҳәынҭқарратә университетаҿ аҵара иҵон, зны амедицинатә, анеҩс, афинанстә занааҭла. Реваз Сохаӡе акыршықәса ирылагӡаны, хазхаҭалатәи асектор аҿы аменеџьертә аҭыҧ дуқәа ааникылон,  2017 шықәса инаркны Қарҭтәи Сакребуло далахәып, Самгори араион амажоритартә депутатуп, Қарҭтәи Сакребуло аурбантә аҿиара акомиссиа дахантәаҩуп“, – иҳәеит аҧыза-министр. 

Иракли Кобахиӡе знапынҵақәа шьҭазҵаз Иракли Қарселаӡе арегионалтә аҿиареи аинфраструктуреи рзы аминистр иҭыҧаҿ инаигӡаз аусуразы ҭабуп ҳәа иеиҳәеит.   

„Иракли Қарселаӡе акыршықәса ирылагӡаны арегионалтә аҿиареи аинфраструктуреи рзы аминистрра қәҿиарала анапхгара азиуан. Иара инапхгарала иакымкәа зҵакы дуу апроектқәа мҩаҧган амҩақәа рыргылареи, аӡылеиқәыршәареи, ацәынхақәа рхылаҧшреи, аҵаратәи аспорттәи инфраструктура аҿиареи, амуниципалтә аҿиареи, убас егьырҭгьы ахырхарҭақәа рыла. Ҳаҭыр зқәу Иракли инаигӡаз аусуреи иара инапхгарала имҩаҧгаз акрызҵазкәа апроектқәеи рзы ҭабуп ҳәа иасҳәар сҭахуп“, – иҳәеит Иракли Кобахиӡе. 

Иракли Қарселаӡе Аинфраструктуреи арегионaлтә ҿиaреи рминистр иҭыԥ ааинкылон 2021 шықәса жәабран инаркны, Реваз Сохаӡе Қарҭтәи сакребуло аҿы ақалақь арҿиареи ақылақьтә нхамҩеи ркомиссиа дахагылан.