Қырҭтәыла аҧыза-министр Иракли Кобахиӡе инапхгарала, Европа аӡынтәи аҿартә олимпиатә фестиваль „Бакуриани 2025“ амҩаҧгара ацхраара амзызла еиҿкааз аиҳабыратә комиссиа актәи аилатәара мҩаҧган.

Акомиссиа алахәылацәа аолимпиада амҩаҧгара аиқәыршәара иазку аиҿкааратә зҵаарақәа ирыхәаҧшит.

2025 шықәсатәи Европа аӡынтәи аҿартә олимпиатә фестиваль амҩаҧгаразы, Арегионалтә аҿиареи аинфраструктуреи рзы аминистрра Амуниципалтә аҿиара афонд, Бакуриани, абиатлони  ашәаҩақәа рыла аиҧхныҩлареи (Cross Country) рзы ашҭеи  3.5 км. аура зауа атрассеи, иара убас, Қарҭ аҵаатә ахани дыргылоит.

Бакуриани абиатлони ашәаҩақәа рыла аиҧхныҩлареи атрассақәеи урҭ ирыдҳәалоу аинфраструктуреи рыргыларатә усурақәа активла имҩаҧысуеит. Атрассақәа иҧсабаратәым асы рықәҵаразы аӡымҩангагақәеи афымцатә системақәеи еиҿыркаауеит. Қарҭ аҵаатә ахан аргыларатә усурақәагьы ахыркәшаранӡа инеихьеит.

Ахоккеи, аҵаақәшьқьраареи, акерлинги ирызку Қарҭтәи аҵаатә ахан 700ҩык раҟара ахәаҧшцәа рзы иазҧхьагәаҭоуп.

Ари апроект аҳәынҭқарратә биуџьет аҟынтә иазоушьҭуп  50 миллион лари еиҳаны.

Европа аӡынтәи аҿартә олимпиатә фестиваль „Бакуриани 2025“ амҩаҧгара ацхраара амзызла аиҳабыратә комиссиа еиҿкаан аиҳабыра рыдҵала. Акомиссиа афестиваль аиҿкаара иалахәы аусбарҭақәеи аиҿкаарақәеи рыбжьара акоординациеи афестиваль иадҳәалоу азҵаарақәа оперативла рыӡбареи  еиқәнаршәоит.

Европа аӡынтәи аҿартә олимпиатә фестиваль Қырҭтәыла имҩаҧысуеит 2025 шықәса жәабран азы.