Қырҭтәыла аиҳабыра русмҩаҧгарҭаҿы иҟоу Ауаҩытәыҩса изинқәа рмаӡаныҟәгара аиҳабыс дҟарҵеит Мака Ҧераӡе.

Мака Ҧераӡе ауаҩытәыҩса изинқәа аусхкы аҿы аусура аҧышәа ду лымоуп. Занааҭла лара азиндырҩы лоуп, Иуане Джавахьишвили ихьӡ зху Қарҭтәи аҳәынҭқарратә университет далгеит.

Мака Ҧераӡе акыраамҭа Аҩнуҵҟатәи аусқәа рминистрраҿы еиуеиҧшым амаҵзураҭыҧқәа аанылкылон  – ауаҩытәыҩса изинқәа рыхьчареи аусеилыргареи ахаҭабзиара амониторинг адепартамент адиректор ихаҭыҧуаҩс дыҟан,  Жәларбжьаратәи аизыҟазаашьақәа рдепартамент адиректор ихаҭыҧуаҩ иҭыҧ аанылкылон,  апроектқәа рхылаҧшра аусбарҭа дахагылан,  иара убас, зыӡбахәы ҳәоу аминистрраҿы евроатлантикатә структурақәа рҟны аусеицура аҟәшеи аминистрра аусмҩаҧгарҭеи рҟны аус луан.

Аҳәынҭқарратә маҵзураҿы даныҟаз, жәларбжьаратәии аҭыҧантәии апартниорцәа рҟны аусеицура ала,  лара лылахәызаареи линициативеи ала  имҩаҧган  аҭаацәараҿы амчылара апревенциеи, аиашамҩаҧгара иалахәы зықәра наӡам ауааҧсыра рзинқәа рыхьчареи,  Қырҭтәыла ауаҩытәыҩса изинқәа астратегиа ахықәкқәа рынагӡара ацхраареи иазкыз иакымкәа крызҵазкәа апроектқәа.  Мака Ҧераӡе, лара лзанааҭла хазхаҭалатәи асектор аҿгьы аусура аҧышәа ду лымоуп.

Англыз бызшәеи аурыс бызшәеи лдыруеит.
Мака Ҧераӡе аиҳабыра русмҩаҧгарҭаҿы иҟоу ауаҩытәыҩса изинқәа рмаӡаныҟәгара аиҳабы иҭыҧ аанылкылеит Ана Бучукури лцынхәрас. Бачукури ажәабатәи ааҧхьара апарламент алахәылас дҟалеит.