Қырҭтәыла ахатә фымцатә ресурсқәа рҟынтә  20% мацара рхы иадырхәоит, — илҳәеит Аиҭашьақәыргылареи Аҿиареи Европатәи Абанк арегионалтә директор Катарина Биорлин  Ҳансен  Facebook аҿы иалалырҵәаз авидеонҵамҭаҿы.

Зыӡбахәы ҳәоу аелектронтә платфома аенергетика азҵаарақәа ирызҿлымҳау ақырҭуа хархәаҩцәа ирызкуп.

Европатәи абанк арегионалтә директор ишылҳәаз ала, Қырҭтәыла  афымцазы аҭахрақәа иаҳа-иаҳа иазҳауеит, арҭ аҭахрақәа рынагӡара  аҵакы ду амоуп.

Катарины Биорлин Ҳансен  лҳәамҭала,  Қырҭтәыла аҩнуҵҟатәи афымца ааглыхра иазҿлымҳазароуп, уи ала иазҧхьагәаҭоуп аӡфымцатәи, амратәи, аҧшатәи астанциақәа .

«Уажәазы Қырҭтәыла ирымоу  афымца  75 наӡына аӡфымцатә станциақәа рҟынтә ироуеит,  аха, дара ирҭаху   егьырҭ 25 наӡына, бжеиҳарала аҳәаанырцәынтә ироуеит. Қырҭтәыла афымца цқьа ахархәара алшарц азыҳәан, аҳәаанырцәтәи абылтәы аҟынтә ихьыҧшымзароуп, убри азыҳәан аӡфымцатә станциақәа аҿиара рымазароуп», — илҳәеит  Катарина Биорлин Хансен авидео-пост аҿы.

Лара лажәақәа рыла, Аиҭашьақәыргылареи Аҿиареи азы Европатәи Абанк  Қырҭтәыла аӡфымцатә станциақәа рҿиареи, зырҿыцра ҟало афымцатә хыҵхырҭақәа рҿиара иазку егьырҭ апроектқәа рынагӡареи  ацхраара иазыхиоуп.