Аҳасабырба инақәыршәаны, Қарҭ аҳауа аҟьашьра амзыз хада автотранспорт амоторлҩа ауп, – ари иануп Қырҭтәыла апарламент аҧсабарахьчареи аҧсабаратә ресурсқәеи ркомитет аҳасабырба аҿы.

Адокумент аҿы ишану ала, аҳәынҭқарратә аудит аҳасабырба аҿы ишану ала, аҳауа аҟьашьара ахыҵхырҭақәа роуп астационартә хыҵхырҭақәеи автотранспорт амоторлҩеи.

Атәылаҿ иҟоу автотранспорт 370 Қарҭ ауп иахьыҟоу. Аудит аҳасабырба инақәыршәаны, аҳҭнықалақь аҿы аҳауа аҟьашьра амашьынақәа ирыбзоуроуп.

Қарҭ ахадара аҳәамҭа ала, 2019 шықәса анҵәамҭанӡа ауаажәларратә транспорт иҿыцу, ҳаамҭазтәи атранспорт ала ирыҧсахуеит, аха автобус ҩежьқәа рутилизациа аплан макьана аӡәгьы имбаӡацт. Арҭ автобусқәа реиҳара астандартқәа ирышьашәалам.

Иара убас иазгәаҭатәуп, атәылаҿ иҟоу амашьынақәа 900 жәашықәса иреиҳау амашьынақәа роуп. Ари аҳауа аҟьашьара аҭагылазаашьа иаҳа иарцәгьоит, ҽ иануп аҳасабырба аҿы.

Қырҭтәыла апарламент аҧсабарахьчареи аҧсабаратә ресурсқәеи ркомитет аҳҭныҟалақь аҿы атмосфератә ҳауа аҟьашьара ашьаҭатәи хыҵхырҭақәа ирызку атематикатә аҭҵаара аҳасабырба цәырнагеит.

Қырҭтәыла Актәи аканал аинформациа ала, аҳасабырба лаҵара 6 рзы абиуро еилатәара аҿы ицәыргахоит.