Апарламенттә фракциа «Амилаҭтә ҵысра» Адәныҟатәи аусқәа рминистррахь ааҧхьара ҟанаҵоит  Аусеицуреи Ашәарҭадареи рзы Европатәи Аиҿкаарахь аҳәара ҟарҵарц апарламенттә алхрақәа рыцклаҧшразы анаҧшцәа аарышьҭырц.

Иахьатәи апресс-конференциҿы Ҭина Бокучава ишылҳәаз ала, Адәныҟатәи аусқәа рминистрра Аусеицуреи Ашәарҭадареи рзы Европатәи Аиҿкаарахь ааҧхьара  адәықәҵара иауалуп.

Лара лажәақәа рыла, зыӡбахәы ҳәоу ааҧхьара ашьаҭалоуп Қырҭтәыла алхрақәа рыцклаҧшразы анаҧшцәа рмиссиа шеиҿыркаауа.

«Атәыла анапхгара ҿырҭуам, дара  Аусеицуреи Ашәарҭадареи рзы Европатәи Аиҿкаарахь уажәгьы ааҧхьара дәықәрымҵацт. Атәыла аҩныҵҟагьы анҭыҵгьы зегьы ибзианы еилыркаауеит сынтәа жьҭааразы Қырҭтәыла ишымҩаҧысуа агеополитикатә ҵакы змоу, атәыла европатәи аҧеиҧш ахьыӡбахо  алхрақәа», — илҳәеит  Бокучава.

Ари азҵаара далацәажәеит Зураб Ҷиаберашвилигьы. Иара ишиҳәаз ала, Евроеидгыла алалара амзызла  аиҿцәажәарақәа ралагаразы иаарту, зхы иақәиҭу, ииашоу алхрақәа мҩаҧгатәуп, уи азыҳәан атәылаҿы акыраамҭалатәи аамҭакьаҿлатәи анаҧшратә миссиақәа иҟазароуп.