«Евроеидгыла аенергетикатә платформа ҿыц Украинеи, Молдовеи, Қырҭтәылеи рзгьы аатызаауеит»‎, — илҳәеит  Аенергетика азҵаарақәа рзы Еврокомиссар  Кадри Симсон Урыстәыла аенергоресурсқәа рхьыҧшызаара аҵыхәҧҵәара иадҳәаланы Европарламент аҿы имҩаҧгаз адебатқәа раан.

«Евроеидгыла иаҳа имаҷны урыстәылатәи агаз ахархәара иалагеит, аурыс агаз ахархәара еиҵхеит  26 наӡынала. Аимпульс ҳахьчарцаз, ҳара аенергетикатә платформа аҧаҳҵеит, изҭаху аҳәынҭқаррақәа зегьы уи иалахәызар рылшоит.  Раҧхьатәи арегионалтә усуратә гәыҧ Софиа еиҿкаауп, егьырҭ арегионқәа рҿгьы агәыҧқәа еиҿаҳкаауеит.  Иаҳзааигәоу ҳгәылацәа ҳрыцхраауеит, аплатформа аатызаауеит Украинеи, Молдовеи, Қырҭтәылеи, Мраҭашәаратә Балканқәа атәылақәеи рзгьы.

Америкеи Канадеи аҳәамҭақәа аныҟарҵа ашьҭахь, ҳара  агаз аагаразы аусура наҳагӡеит, егьырҭ атәылақәа рҿгьы аполитикатә еиқәшаҳаҭрақәа ҳабжьаҵаны,  агаз ааҳгоит. Аамҭакала,  жәларбжьаратәи ҳпартниорцәа рҟны ҳаиқәшаҳаҭны, иацы ишьақәҳарҕәҕәеит адәныҟаполитикатә енергетикатә стратегиа ҿыц.  Ҳара аҧсабаратә газ иадҳәаланы кыраамҭалатәи апартниорра ашьақәыргылареи аусеицура арҭбаареи ҳҭахуп.  Аҧсабаратә газ азҵаараҿы атәыла заҵәык ҳахьыҧшызар ҳҭахым», — илҳәеит  Кадри Симсон.