Қырҭтәыла аҵара ахаҭабзиара аҿиара амилаҭтә центр „Иреиҳаӡоу аҵара ахаҭабзиара аиқәыршәара европатәи ассоциациа“ алалара инамаданы, иахьа Қарҭ имҩаҧысуеит ауснагӡатә  – „Европатәи ахаҭабзиара змоу иреиҳаӡоу аҵара“.

Ауснагӡатә рхы аладырхәоит Қырҭтәыла Аҧыза министр Мамука Бахтаӡеи, иара убас, аҵареи аҵарадырреи акультуреи аспорти рминистр Михаил Баҭиашвилии, Қырҭтәыла аус зуа адипломатцәеи, жәларбжьаратә адонор еиҿкаарақәеи, апарламент алахәылацәеи, иреиҳаӡоу аҵаратә усбарҭақәа рректорцәеи, аҵара аусхкы аекспертцәеи, Аҵара ахаҭабзиара аҿиара амилаҭтә центр ахаҭарнакцәеи.

Иреиҳаӡоу аҵара ахаҭабзиара аиқәыршәара европатәи ассоциациа апрезидиум Қырҭтәыла аҵара ахаҭабзиара аҿиара амилаҭтә центр ари аиҿкаарашҟа адкылара иазкны аӡбара рыдыркылеит мшаҧы 25 рзы, естониа, Таллин имҩаҧгаз 9тәи есышықәсатәи афорум аҿы. Уажәазы атехникатә процедурақәа мҩаҧысуеит, уи ашьҭахь, сынтәа ҭагалан инаркны, ассамблеиа аилатәара ашьҭахь, Қырҭтәыла, аофициалла,  „Иреиҳаӡоу аҵара ахаҭабзиара аиқәыршәара ассоциациа“ (ENQA)  алахәылас иҟалоит.