УЕФА Амилаҭқәа рлига аҳәаақәа ирҭагӡаны, ашьапылампыл азы Қырҭтәыла аизга 2 матчк   мҩаҧнагоит. Абҵара  16 рзы, ақырҭуа ашьапылампыласҩцәа, украинаа Баҭым ирҧылоит, абҵара 19 рзы  —  Чехиа.

Қарҭтәи Сакребуло аилатәараҿы Қарҭ ахада Каха Калаӡе ишиҳәаз ала, Раҧхьатәи ареспублика ашҭаҿы азгәыбылҩцәа рзы  аекран дуқәа шьақәдыргылоит.

«УЕФА Амилаҭқәа рлига аҳәаақәа ирҭагӡаны, абҵара 16 рзы Қырҭтәылеи Украинеи реизгақәа еиҧылоит.  Иара убас, абҵара  19 рзы ҳмилаҭтә аизга Чехиа аматч мҩаҧнагоит. Абарҭ ахәмаррақәа рахь изымцо ақырҭуа азгәыбылҩцәа ишиашо ицо атранслиациа рыдаагалоит.  Ашьапылампыл азы афедерациеи ҳареи Раҧхьатәи ареспублика ашҭаҿ азона ҷыда еиҿаҳкаауеит, аекран дуқәа шьақәҳаргылоит.  Азгәыбылҩцәа ҳмилаҭтә аизга адгылара азаадырҧшырц азыҳәан аҭагылазаашьақәа зегьы еиқәҳаршәоит. Ҳмилаҭтә аизга зҵакы дуу аматчқәа мҩаҧнагоит, азгәыбылҩцәа рыдгылара ҷыдала ирҭахуп», — иҳәеит  Каха Калаӡе.