Пуҭии Хобии амитрополит, аб Григол иахьа Ҧуҭтәи акафедралтә ныхабаа аҿы амҽыштәи Анцәа имаҵзура мҩаҧигеит.  Аныҳәара ашьҭахь, аб Григол атәылаҿы имҩаҧысуа ахҭысқәа дрылацәажәеит.

«Инеизакны иуҳәозар, ауаа рхымҩаҧгашьазы аҭак рыҧхықәуп, азакәан еилазгаз ауаа аҭакҧхықәра рыдҵатәуп, абри ауп  аҳәынҭқарра зызку.  Ауахәама аҳәынҭқарратә усбарҭақәа рфункциақәа зынанагӡом.  Рыцҳарас иҟалаз, лассы-лассы, ауахәама, аҳәынҭқарра изыҟанамҵо аусқәа рыҟаҵара ақәшәоит.  Аха, ауахәама акәӡам уи зуалу.  Ауахәама хықәкык ауп иамоу  — Қьырса Аиқәырхаҩ илшамҭақәа рыхцәажәареи ауаа абжьагажәа рыҭареи. Ҳара бџьарк ауп иҳамоу  — ажәа», — иҳәеит аб Григол.

Праид алахәылацәа амчыбжь амҩаҧгара алшара рыҭатәума ҳәа ианиазҵаа, адоҳатә хаҿы ишиҳәаз ала,  аҳәынҭқарроуп абри азҵаара зыӡбаша.

«Сара уи сгәаҧхом, аха сгәаанагара акәӡам аус злоу. Џьоукы саргьы сыргәаҧхом, нас иҟасҵараны иҟоу? Ишаҧу ала, Асинод цқьа ауп ауахәама ахьӡала аҳәамҭақәа ҟазҵо. Шәызлацәажәо ахҭыс иадҳәаланы аҳәамҭақәа ҟазҵаз сыздырӡом  — апатриарх иакәу, гәыҧҩык адоуҳаныҟәгаҩцәа ракәу», — иҳәеит аб Григол.