Рашәара 21 рзы, Амузыка адунеизегьтәи амш аҽны, сицилиатәи ақалақь Катаниа иҟоу  Массимо Беллини иоператә театр аҿы, италиатәи асолистцәеи, аоркестри, атруппеи, аиталиан бызшәала инарыгӡеит  Зақариа Палиашвили ҧсра зқәым иопера  «Даиси». Ари аинформациа аланарҵәеит Қырҭтәыла Акультуреи, аспорти, аҿар русқәеи рзы аминистрра.

Аминистрра адыррала, аопера  «Даиси» иқәиргылеит арежиссор  Гоча Капанадзе, амузыкатә напхгаҩи адирижиори  — Заза Азмаиҧарашвили,  асценографиеи, алашареи, акостиумқәеи аус рыдиулон Гьаргь  Алеқси-Месхишвили.

«Даиси» ақәыргылара рхы аладырхәит:  «Театро Массимо Беллини» атруппеи (ахормеистер Луиџьи  Петрочелло), аоркестри, Италиа инхо адунеи еицырдыруа италиатәи аҳәаанырцәтәи ашәаҳәаҩцәеи: Маттео Фальчери, Доменико Бальзани, Анастасиа Болдырева, Роберто Креска.  Цангала ипартиа наигӡеит Италиа аус зуа еицырдыруа ақырҭуа бас Гьаргь Андгулаӡе, Маро лпартиа  — асопрано Ева Корбетта.

«Массимо Беллини иоператә театр асахьаркыратә хеилаки адирекциеи рыӡбарала, «Даиси»  атеатр арепертуараҿ иаанхоит, уи ари атеатр асценаҿ еиҧҟьарада инарыгӡалоит, ари ахҭыс ақырҭуа операзы аҭоурыхтә ҵакы амоуп», — иануп аминистрра аинформациаҿы.