2025 шықәса инаркны Қырҭтәыла жәларбжьаратә стандартқәа ирышьашәалоу амш зеиԥшрахо азԥхьагәаҭаратәи заанаҵтәи алаҳәаратә система аладырҵәоит

Аԥсабарахьчареи ақыҭанхамҩеи рминистр Оҭар Шамугиа Финлиандиа аҳҭнықалақь Хельсинки аҟны Аԥсабаразы Қырҭтәыла амилаҭтә  агентреи Финлиандиа аметеорологиатә институти рыбжьара аметеорологиеи, аклиматологиеи, аԥсабареи рхырхарҭала аусеицуреи аилибакаареи рмеморандум анапаҵаҩра ацеремониа ихы алаирхәит.

Аусуратә визит аҳәаақәа ирҭагӡаны, Шамугиа Финлиандиа аметеорологиатә институт (FMI) адиректор хада Петер Таалас  диԥылеит. Аиԥылараҿ аганқәа ирыбжьарҵаз аиқәшаҳаҭра инақәыршәаны, 2025 шықәса инаркны Қырҭтәыла жәларбжьаратә стандартқәа ирышьашәалоу амш зеиԥшрахо азԥхьагәаҭаратәи заанаҵтәи алаҳәаратә система аладырҵәоит.