2017 шықәсатәи аглобалтә терроризм аиндекс аҿы 163 тәылак рыбжьара  Қырҭтәыла 77-тәи аҭыҧ аннакылоит. Аҳасабрба идырмазеит Аекономикеи аҭынчреи ринститут аҿы. Адокумент аҿы иаарҧшуп 163 тәылақәа рҿы атерроризм аганахьала иҟоу аҭагылазаашьа.

Қырҭтәыла иазку аҳасабрба 77-тәи аҭыҧ аннакылеит. Жәабаллк рҟынтә Қырҭтәыла аиуит 2.114 баллк. Ҵыҧхтәи апериод еиҿҳарҧшыр, Қырҭтәыла ареитинг иҧсаххеит 0.857 быллк рыла Ҵыҧх  Қырҭтәыла 87-тәи аҭыҧ аҿы иҟан.

Қырҭтәыла ианылеит, “Исламтәи аҳәынҭқарра” алахәылацәа ма урҭ рҟны афилирациа змоу ахаҿқәа ахьыҟоу атәылақәа рсиа.

Аиндекс аҿы актәи аҭыҧ аннакылоит Ирак. Аҩбатәи аҭыҧ ааннакылоит Афганистан. Уи ашьҭахь Нигериа, Шьамтәыла Пакистан.

Аҳасабрбаҿ ишану ала, 2016 шықәсазы 77 тәылақәа рҿы аҭыҧ змаз атеррактқәа рыҧсҭазаара алнахит 25 нызқь ҩык рҟынӡа.  Атеррактқәа реиҳарак рзы аҭакҧхықәра ахахьы агеит Исламтәи аҳәынҭқарра.

Урыстәыла ареитинг аҿы 33-тәи аҭыҧ ааннакылоит, Шәамахьтәыла –  75-тәи аҭыҧ, Азербаиџьан 95-тәи аҭыҧ. Апост Асовет еидгыла атәылақәа рыбжьара зегь реиҳа ицәгьоу аҭагылазаашьа Украинаҿ ауп иахьыҟоу. Ареитинг аҿы Украина 17-тәи аҭыҧ ааннакылоит.

Аҳасабрба инақәыршәаны, 2016 шықәсазы Европа аҭыҧ змаз 630 атерактқәа рыҧсҭазаара алнахит 826 ҩык.

Аекономикеи аҭынчреи ринститут ишьаҭакын  2007 шықәсазы.