«Абжьагарақәа рынагӡаразы ҳара иарбанзаалак аформатаҿ аусура ҳгәы иҭан, аха, «Ақырҭуа гәахәтәы» арҭ аформатқәа ирцәыбналеит», — иҳәеит «Аҕмашенебели истратегиа» алахәыла  Паата Манџьгалаӡе.

Манџьгалаӡе иҳәамҭала, «Ақырҭуа гәахәтәы» алахәылацәа алхраҧхьатәи аусхәаҧштә ашҟа ииасырц азыҳәан, рыҧхықәрақәа рынагӡара рҭахым.

«Шықәсыки бжаки рыла ишаабаз еиҧш, аусуратә гәыҧқәа рҿы ареформақәа рпроектқәа ирыхәаҧшуамызт, ари асистема рхәыцит аамҭа ргарцаз.  Избанзар, 2024 шықәсатәи апарламенттә алхрақәа ааигәахоит, дара алҵшәа зхылҵша аусуратә гәыҧ  рҭахым.   Ҳара, абжьагарақәа рынагӡаразы иарбанзаалак аформатаҿ аусура ҳгәы иҭан,  аха, «Ақырҭуа гәахәтәы» арҭ аформатқәа ирцәыбналеит. Дара ибзианы ирдыруеит аусуратә гәыҧқәа рҿы адеолигархизациеи акоррупциа аҿагылареи, иара убас, алхратә системеи  иазку апланқәа шеиқәыдмыршәо. Дара алхратә система аҧсахра ргәы иҭам. Шықәсыки бжаки Қырҭтәыла ауааҧсыра ржьон, аха, аҵыхәтәаны, ҳазынтәгьы ибзиаӡаны иаабеит дара 3 абжьагарак мацара шынарыгӡаз», — иҳәеит  Паата Манџьгалаӡе.