Ажәлар ирҿагыланы асанкциақәа шьақәдыргылар ҟалом, аиҳабыра иҟарҵо антидемократиатә шьаҿақәа рымшала ажәлар ҧырхара рыҭатәым, –  илҳәеит апартиа „Гахариа Қырҭтәылазы“ алахәыла Ҭеона Акубардиа иахьатәи абрифинг аҿы.

Лара лажәақәа рыла, алхрақәа раан ажәлар атәыла аҧеиҧш аҳәаақәҵаразы алшара рыҭатәуп.

„„Ақырҭуа гәахәтәы“ иҟарҵо антидемократиатә шьаҿақәа рымшала Қырҭтәыла евроинтеграциа апроцесс аанкылоуп, уи фактуп.    „Ақырҭуа гәахәтәы“ амшалоуп Евроеидгылаҟны авизадатә режим ашәарҭара ишҭагылаз, Евроеидгыла алахәылацәа ари азҵаара иалацәажәахьеит. Ҳара еснагь уи ҳаҿагылан, еснагь иаҳҳәалон аиҳабыра иҟарҵо антидемократиатә шьаҿақәа рымшала ажәлар асанкциақәа рзышьақәыргылара ҟалом ҳәа.

Сареи ҳгәыҧи Евроеидгылаҟны авизадатә режим аҧыхра акәымкәа, Евроеидгылашҟа Қырҭтәыла анагароуп хықәкыс иҳамоу. Ажәлари аиҳабыреи рпозициақәа еиҧшызароуп,  аиҳабыра иҟарҵо антидемократиатә шьаҿақәа рымшала ажәлар ҧырхага рзаагара ҟалом. Насгьы, алхрақәа раан, ажәлар, рхы иақәиҭны алхра аҟаҵара алшара рымазароуп, рхы иақәиҭны атәыла аҧеиҧш ҳәаақәырҵароуп“, – илҳәеит Акубардиа.