Қырҭтәыла апарламент ҭагалантәи сессиа аусура алагоит иашьҭанеиуа амчыбжь азы

Қырҭтәыла апарламент ҭагалантәи сессиа аусура алагоит иашьҭанеиуа амчыбжь азы. Арегламент инақәыршәаны, апарламент ҭагалантәи сессиа цәыббра актәи аҩашаҽны аатуеит.

Актәи аканал ахь апарламент апроцедуратә комитет ахантәаҩы Гьаргь Кахиани ишааицҳаз ала, цәыббра 5 рзы ҭагалантәи сессиа аатуеит абиуро аилатәара ала.

Арегламент инақәыршәаны, ҭагалантәи сессиа ихырқәшоит ҧхынҷкәын ахҧатәи ахәашаҽны.