«Ҳара Қырҭтәылеи, Ҭырқтәылеи, Азербаиџьани рыбжьара х-ганктәи амеханизм еиҭашьақәҳаргылар  ҳҭахуп», —  иҳәеит Ҭырқәтәыла Амилаҭтә Ассамблеиа Ду ахантәаҩы  Нуман Куртулмуш Қырҭтәыла апарламент ахантәаҩы Шьалуа Папуашвилии иареи еицымҩаҧыргаз абрифинг аҿы.

Куртулмуш иҳәамҭала,  Қырҭтәылеи Ҭырқәтәылеи реизыҟазаашьақәа ахырхарҭақәа зегьы рыла аҿиара иаҿуп.

«Ҳаизыҟазаашьақәа, ҳусеицура ахырхарҭақәа зегьы рыла аҿиара иаҿуп. Анеҩстәи амзазы Қырҭтәыла ахада Ҭырқәтәыла даҭааип ҳәа ҳгәыҕуеит. Уи ҳтәылақәа реизыҟазаашьақәа иаҳа рырҕәҕәара иацхраауеит. Абри аҩыза аиҧыларақәа иаҳа ирацәазар сҭахуп. Иахьа исымоу алшара схы иархәаны, иаҵшьны иазгәасҭар сҭахуп ҳара ахырхарҭақәа зегьы рыла Қырҭтәылаҟны аусеицура ҳшазыхиоу», — иҳәеит Ҭырқәтәыла Амилаҭтә Ассамблеиа Ду ахантәаҩы.

Иара ишиҳәаз ала, Ҭырқәтәыла Қырҭтәыла ахьыҧшымреи аҵакырадгьылтә акзаареи иадгылоит.

«Жәларбжьаратәи афорумқәа зегьы рҿы ари афакт иаҵшьны иазгәаҳҭоит,  саргьы даҽазнык ишьақәсырҕҕәар сҭахуп Ҭырқәтәыла Қырҭтәыла ахьыҧшымреи аҵакырадгьылтә акзаареи ишадгыло, ҳара Қырҭтәылеи Евроеидгылеи реизыҟазаашьақәа еиҭашьақәгылар ҳҭахуп», — иҳәеит  Нуман Куртулмуш.