Terjolanın Hərarət Mərkəzində 4 pasiyentin koronavirusa yoluxması təsdiqlənməyib
Terjolanın Hərarət Mərkəzində laboratoriyadan 4 pasiyentin analiz cavabını alıblar və onların hamısı mənfidir-bu barədə Gürcüstanın Birinci Kanalına klinikanın direktoru,Lado Kepuladze bildirib.
Kepuladzenin verdiyi məlumata görə,ötən 24 saat ərzində klinikaya qızdırma simptomları ilə 2 pasiyent müraciət edib.Onlardan müvafiq analizlər götürülüb və bioloji nümunələr tədqiq olunmaq üçün laboratoriyaya göndərilib.
Bu vaxt üçün Gürcüstanda koronavirusa 730 yoluxma halı təsdiqlənib,onlar arasında 522 pasiyent sağalıb.
Hazırladı-Sevinc Mustafayeva