Tbilisi Şəhər Məhkəməsində Mixeil Saakaşvilinin Gürcüstana daxil olması məsələsi üzrə saxlanılmış – Qiorqi Narimanidze, Elquca Tsomaia, Zurab və Şalva Tsotsoria-ların məhkəmə prosesi keçirilir.

Bugünkü prosesdə saxlanılan şəxslər barəsində həbs-qətimkan tədbirinə yenidən baxılacaq.

Prokurorluq saxlanılan şəxslər barəsində ən ağır tədbirin  həbs-qətimkan tədbirinin qüvvədə saxlanılmasını tələb edir.

Müdafiə tərəfi isə saxlanılan şəxslərin qətimkan tədbiri olmadan buraxılması barədə vəsatət irəli sürəcək.

Məlumat üçün bildirək ki, faktla bağlı Gürcüstan Cinayət Məcəlləsinin 375-ci maddəsinin ikinci hissəsi, 344-cü maddəsinin 3-cü hissəsinin “a” bəndi və 344-cü maddənin 1-ci hissəsi ilə istintaq aparılır.

Müqəssirlər – Qiorqi Narimanidze, Elquca Tsomaia, Şalva və Zurab Tsotsorialar ağır cinayəti ört-basdır etməkdə ittiham olunurlar. Elquca Tsomaia barəsində həmçinin sərhədi qanunsuz keçməyə köməklik etməkdə ittiham irəli sürülüb.