Gürcüstan prezidenti Salome Zurabişvili bu gün Polşa prezidenti Anjey Duda ilə danışıb.
Gürcüstan prezidentinin mətbuat xidmətinin məlumatına görə, telefon danışığı zamanı prezidentlər Gürcüstan-Polşa ikitərəfli münasibətləri, Gürcüstanın Avropaya inteqrasiya prosesi və Polşanın dəstəyi məsələlərini müzakirə ediblər.
“Gürcüstan Prezidenti Polşanın gələn il ATƏT-in fəaliyyətdə olan sədri olacağını nəzərə alaraq, Tbilisidə qadın liderlərin iştirakı ilə münaqişələrin həlli, sülh və təhlükəsizlik üzrə beynəlxalq konfransın keçirilməsini nəzərdə tutan təşəbbüsünü Polşa prezidentinə təqdim edib. ”, – deyə məlumatda bildirilir.
Onların sözlərinə görə, Anjey Duda məsələ ilə maraqlanıb və bildirib ki, bu, Polşanın ATƏT çərçivəsində fəaliyyətinin prioritet istiqamətlərindən biridir.