“2018-ci ildə Gürcüstana edilən beynəlxalq səfərlərin sayı 8 679 544 təşkil etdi və bu ölkəmizin turizm tarixində rekorddur. Ölkəmizin miqyası üçün bu həqiqətən unikal bir müvəffəqiyyətdir – bu barədə bəyanatı Gürcüstanın baş naziri Mamuka Baxtadze verdi.
Onun dediyinə görə, ilk növbədə, bu deməkdir ki, Gürcüstan haqqında bilgi və ona qarşı maraq gündən gündə artır.
“Hərkəs əmin olur ki, bizim mədəniyyətimiz ümumi Avropa mədəniyyətinin hissəsidir. Bu çox yaxşı bir tendensiyadır və onu daha da böyütməliyik. 2018-ci ildə turizm sektorundan əldə edilən gəlir 3 milyard dollardan artıqdır. Turizm sektoru həmçinin, ona görə önəmlidir ki, ona ölkənin bütün regionları fəal şəkildə qoşula bilirlər” – dedi baş nazir.
2018-ci ildə Gürcüstana 8 679 544 beynəlxalq səfər edilib. 2017-ci il ilə müqayisədə artım +9.8%-dir.
