Զինվորականներին անորակ սննդով մատակարարելու, թե մատակարարող ընկերության կասկածելի գործարքների մասին մեղադրանքներն անհիմն են. Պաշտպանության նախարարություն
Վրաստանի պաշտպանության նախարարությունը հայտարարություն է տարածել, որում ասվում է, որ զինվորականներին անորակ սննդով մատակարարելու, թե մատակարարող ընկերության կասկածելի գործարքների մասին մեղադրանքներն անհիմն են: Պաշտպանության նախարարությունը պարզաբանում է լրատվամիջոցների տարածած տեղեկատվությունը:
««Տվ Պիրվելի» հեռուստատեսությունը շարունակում է տարածել զրպարտիչ և կեղծ տեղեկատվություն, որի իրական նպատակն է ստվեր գցել պաշտպանության նախարար Իրակլի Ղարիբաշվիլիի նախաձեռնությամբ ձեռնարկված միջոցառումների, զինվորականներին լավագույն սննդային պայմաններ ստեղծելու վրա: Զինվորականներին անորակ սննդով մատակարարելու, թե մատակարարող ընկերության կասկածելի գործարքների մասին մեղադրանքներն անհիմն են և միտումնավոր հորինված, գերատեսչությունը վարկաբեկելու համար: Ցավալի է, որ «Տվ Պիրվելին» թուլություն է համարում, նախարարության գնումների թերությունների արագ և արդյունավետ հայտնաբերումը, ինչը բացառում է բանակին անորակ արտադրանքի մատակարարումը և հետագայում կանխում է նման փաստերի կրկնությունը:
Հանրությանը բացատրում ենք, որ պանիր մատակարարող «Ալպուրի» ընկերության հետ պայմանագիրը խզվել է 2020 թվականի դեկտեմբերին, հայտնաբերված խախտումների պատճառով, որոնք հայտնաբերվել են գործող և արդյունավետ վերահսկողության համակարգի արդյունքում, և տվյալ ապրանքներն անմիջապես հանվել են բանակի ռացիոնալից: Սննդամթերքի բազմազանության, տեղական, վրացական մսի և այլ ապրանքների ապահովմանը զուգահեռ, որակի վերահսկումը նախարարի կարևորագույն գերակայություններից մեկն է, և դրա բարելավման ուղղությամբ ձեռնարկվել են ամենակարևոր քայլերը:
Որակի հսկողություն է իրականացվում, այդ թվում` պարենի ազգային գործակալության կողմից: Բացի այդ, Իրակլի Ղարիբաշվիլիի հրամանով, պարենային ապրանքների բարձր որակը ապահովելու համար նախարարությունում ստեղծել է «Ստանդարտիզացիայի» և որակի վերահսկողության վարչություն, որն ապահովում է սննդի, խոհանոցի գույքի, պարագաների, ենթակառուցվածքների բարձր որակը, սահմանում է ՆԱՏՕ-ի չափանիշներ և վերահսկում է որակը:
Ինչ վերաբերում է հեռուստատեսության կողմից տարիներ առաջ գերատեսչությունից հեռացած աշխատակիցների 2019 թվականին նշանակված Իրակլի Ղարիբաշվիլիի կամ նրա թիմի հետ կապելը, ապա դա հատում է բոլոր սահմանները և լոգիկան և ներկայացնում է ապատեղեկատվություն: Մենք ցավում ենք, որ «Տվ Պիրվելին» զբաղված է ստվեր գցելով և փորձելով վարկաբեկել պաշտպանության ուժերը», – ասել են Վրաստանի պաշտպանության նախարարությունից: