Զբոսաշրջության ազգային վարչության տվյալներով, ֆրանսիական ամենաազդեցիկ ամսագրերից մեկը՝ «Le Figaro»-ն, տպագրել է 10 էջանոց հոդված՝ Վրաստանի զբոսաշրջային ուղղությունների վերաբերյալ: Ամսագիրը նկարագրում է Թբիլիսին, վրացական խոհանոցն ու գինեգործությունը:
Գերատեսչության տվյալներով, Ֆրանսիայից Վրաստան զբոսաշրջային հոսքը մեծացնելու և երկիրը մասսայականացնելու համար, Վրաստանի էկոնոմիկայի և կայուն զարգացման նախարարության զբոսաշրջության ազգային վարչությունը «Le Figaro»-ի լրագրողի և լուսանկարչի համար պրես-տուր է անցկացրել Վրաստանում:
«Վրաստանի գլխավոր պողոտան անվանակոչվել է հայտնի գրողի անունով: Սրանք այստեղի Ելիսեյան դաշտերն են, որտեղ տեղակայված են գեղեցիկ շենքեր: Ներառյալ, վերածննդի դարաշրջանում կովկասյան ոճի օպերայի շենքը: 19-րդ և 20-րդ դարասկզբին ցարական ազդեցության տակ գտնվող քաղաքը արագ զարգանում էր: Համեմատաբար հարուստ մարդիկ այստեղ փոքրիկ պալատների պես վիլլաներ էին կառուցում, ինչպիսին է ներկայիս «Հազար ու մի գիշեր» պալատական կերպարվեստի դպրոցը:
Ինչ վերաբերում է Գրողների տանը, ապա դա Արթնուվոյի ոճի իսկական գոհար է, որտեղ ապրում էին գրողներ և որտեղ անցկացվում էին գրական հանդիպումներ, նմանատիպ հանդիպման մասնակցում էր Նոբելյան մրցանակակիր Սվետլանա Ալեքսիևիչը: Գրողների տանը մոտ ժամանակներս կբացվի խորհրդային շրջանի բռնադատված գրողներին նվիրված ցուցահանդես:
«Շատ վրացիներ դեռ կարծում են, որ այս երկրի որդին` Ստալինը, հերոս էր», – բացատրում է թանգարանի տնօրեն Նատաշա Լոմոուրին:
«Այս ժամանակահատվածի պատմությունը դպրոցներում վատ է դասավանդվում, և մենք փորձում ենք վերականգնել այդ ժամանակի իրողությունը», – գրել է «Le Figaro»-ի լրագրողը՝ հոդվածում զգալի ժամանակ հատկացնելով վրացական խոհանոցին և գինուն:
«Այս երկրում օգտագործվում են գինու պատրաստման ավանդական մեթոդներ: Վրաստանը ութ հազար տարի առաջ իր բերրի և Աստծուց օրհնված հողի շնորհիվ սկսեց գինի արտադրել», – գրում է «Le Figaro»-ի լրագրողը:
«Գինին և վրացական խոհանոցը ավելի ու ավելի շատ ֆրանսիացիներ են գրավում», – ասաց Վրաստանի նախագահ Սալոմե Զուրաբիշվիլին: «Ես միշտ ցանկացել եմ մասնակցել երկրի զարգացմանը՝ օգտագործելով իմ մասնագիտական փորձը, բայց այսքանի մասին չեմ էլ երազել», – մեզ հետ զրույցում ասաց եվրոպամետ նախագահը:
Իսկապես, ի՞նչ կլինի, եթե այս հայրապետական և ավանդական երկրի նորացումը կատարեն կանայք: Այս երկրում յուրաքանչյուր կնոջ երակներում է Թամար թագուհու արյունը, որը 12-րդ դարում թագավորությունը բերեց «Ոսկե դար» դարաշրջանի: Այս մտքերն ուղեկցում են մեզ, երբ մենք բարձրանում ենք քաղաքի շուրջ ժայռի ծաղիկներով պատված բարձունքները: Մենք «Քարթլիի մայրը» արձանի մոտ շշնջում ենք – «Թբիլիսի»:
Այս անունը նշանակում է «տաք», ինչպես տաք ջուր: Այսպիսով, այստեղ և հիմա, սիրտը լցվում է ջերմությամբ», – գրել է «Le Figaro»-ի լրագրողը:
Զբոսաշրջության ազգային վարչության տվյալներով, «Le Figaro» ամսագիրը տպագրվում է շաբաթական 370 000 տպաքանակով, իսկ կայքէջը ամսական ունի մինչև 146 միլիոն այցելու:
