Համաձայնագիրը ստորագրողները պետք է պատասխանատվություն ստանձնեն, որ համաներումը չկիրառվի հունիսի 20-ի գիշերը անօրինություն կատարած հանցագործների վրա, – ասաց «Ազգային շարժման» անդամ Զաալ Ուդումաշվիլին:

Ըստ նրա, «Համաներման մասին» օրենքը վտանգավոր է:

Միաժամանակ, ըստ Զաալ Ուդումաշվիլիի, «Ազգային շարժումը» չի մասնակցում օրենքի քննարկմանն ու մշակմանը:

«Նիկա Մելիայի` բանտից դուրս գալու ամենաարագ մեխանիզմը դատախազության կողմից խափանման միջոցի՝ կալանքի վերացումն է, բայց իշխանությունը, ցավոք, այդ քայլին չի դիմում, և այժմ մենք խոսում ենք «Համաներման մասին» օրենքի մասին, այն նույնպես շատ վտանգավոր է: Իշխանության և ընդդիմության ներկայացուցիչները, որոնք ստորագրել են այս համաձայնագիրը, պետք է ամեն ինչ անեն, որ պատասխանատվություն ստանձնեն, որ այս համաներումը չկիրառվի հունիսի 20-ի գիշերը անօրինություն կատարած հանցագործների վրա: Մենք չենք մասնակցում այս օրենքի քննարկմանը և մշակմանը, քանի որ մեր դիրքորոշումն այն է, որ մինչ Նիկա Մելիան դուրս գա, մենք չենք խոսելու իշխանության հետ որևէ համաձայնության մասին: Պայքարը կշարունակվի մինչև վերջ: Մելիան երբեք չի լքի բանտը այնպես, ինչպես իշխանությունն է ցանկանում, նույնիսկ գրավի դիմաց», – ասաց Ուդումաշվիլին: