Եվրոպայի խորհրդի խորհրդարանային վեհաժողովի մոնիտորինգի խմբի համանախագահները ողջունում են Վրաստանի խորհրդարանի կողմից հաստատված սահմանադրական փոփոխությունները
Եվրոպայի խորհրդի խորհրդարանային վեհաժողովի մոնիտորինգի խմբի համանախագահները ողջունում են Վրաստանի խորհրդարանի կողմից հաստատված սահմանադրական փոփոխությունները

Եվրոպայի խորհրդի խորհրդարանային վեհաժողովի մոնիտորինգի խմբի համանախագահներ՝ Տիտուս Կորլատեանը (Ռումինիա) և Կլոդ Քերնը (Ֆրանսիա) ողջունում են Վրաստանի խորհրդարանի կողմից հաստատված սահմանադրական փոփոխությունները, որը միջազգային դոնորների աջակցությամբ, համատեղ քննարկումների ընթացքում մշակվել էր իշխող մեծամասնության և ընդիմության միջև,- այս մասին նշված է Եվրոպայի խորհրդի հայտարարության մեջ:

Միևնույն ժամանակ, համազեկուցողները ցավով նշում են, որ քաղաքական համաձայնության արդյունքում, հնարավոր չի դարձել ավելի նվազ լարված և բևեռացված քաղաքական միջավայրի ստեղծում:

«Մենք կոչ ենք անում բոլոր կողմերին միասին աշխատել, առանց դիմակայության և կառուցողական ավարտին հասցնել մարտի 8-ի քաղաքական համաձայնագրի մնացած մասը: Բացի այդ, մենք կոչ ենք անում բոլոր կողմերին ձեռնպահ մնալ որևէ հայտարարությունից կամ գործողությունից, որը կարող է լարվածություն ու բևեռացում առաջացնի կողմերի միջև:

Ինչպես արդեն հայտնել ենք, քաղաքական համաձայնագիրը Վրաստանի համար հնարավորությունների պատուհան է: Մենք խնդրում ենք բոլոր կողմերին լիարժեք օգտագործել այդ հնարավորությունը Վրաստանի լավագույն հետաքրքրությունների համար»,- ասված է հայտարարության մեջ:

Հայտարարության վերջում նշված է, որ համազեկուցողները պատրաստված զեկույցով Վրաստան կայցելեն նոյեմբերին, որից հետո այն կներկայացնեն վեհաժողովի 2021 թվականի հունվարի նստաշրջանին:

Թողնել մեկնաբանություն