Եվրոպական խորհրդի նախագահի այցն այն բանի հաստատումն է, որ Եվրամիությունը կանգնած է Վրաստանի, որպես տարածաշրջանում կարևորագույն գործընկերոջ կողքին. Դավիթ Զալկալիանի
Եվրոպական խորհրդի նախագահի այցն այն բանի հաստատումն է, որ Եվրամիությունը կանգնած է Վրաստանի, որպես տարածաշրջանում կարևորագույն գործընկերոջ կողքին. Դավիթ Զալկալիանի

Վրաստանի փոխվարչապետ և արտաքին գործերի նախարար Դավիթ Զալկալիանիի գնահատմամբ, Եվրոպական խորհրդի նախագահի այցը հատուկ նշանակություն ունի տարածաշրջանում առկա մարտահրավերների ֆոնի ներքո և հստակ հաստատում է, որ Եվրամիությունը կանգնած է Վրաստանի, որպես տարածաշրջանում իր ամենակարևոր գործընկերոջ կողքին:

«Սա հատկապես կարևոր է Եվրամիության գերագույն ներկայացուցիչ Ժոզեֆ Բորելի վերջերս Մոսկվա կատարած այցի ֆոնի ներքո, որտեղ քննարկվել է իրավիճակը տարածաշրջանում, ներառյալ վրաց-ռուսական հակամարտությունը», – հայտարարել է Զալկալիանին:

Նրա խոսքով, այցի ընթացքում հատուկ ուշադրություն է դարձվելու նոր սպառնալիքներին և մարտահրավերներին, որոնք ունեն Վրաստանը և տարածաշրջանը. Վրաստանի բռնազավթված տարածքներում տիրող իրավիճակին, մարդու իրավունքների խախտումների հաճախակի փաստերին և այլ սադրիչ գործողությունների վրա: Ըստ Զալկալիանիի, այցի ընթացքում խորհրդի նախագահ Միշելը նախատեսում է այցելել նաև բռնազավթված գծի մոտ:

«Ուշադրության կենտրոնում կլինի Եվրամիության ներգրավվածության բարձրացումը հակամարտության խաղաղ կարգավորման, ինչպես նաև տեղում անվտանգության ապահովման գործընթացում, ինչը լրացուցիչ նշանակություն ունի տարածաշրջանում առկա նոր իրողությունների և հանգամանքների առկայության պայմաններում: Այս առումով կարևոր է, որ Շառլ Միշելը այցելելու է բռնազավթված գծի մոտ», – ասել է նախարարը:

Նրա խոսքով, այցի ընթացքում կքննարկվեն Վրաստան-Եվրամիություն հարաբերությունների առաջնահերթ ուղղությունները և համագործակցության խորացման հեռանկարները, համագործակցությունը «Արևելյան գործընկերության» շրջանակներում և այս տարի նախատեսված գագաթնաժողովի նախապատրաստման հարցերը:

Դավիթ Զալկալիանիի հայտարարությամբ, Վրաստանն ակտիվորեն աշխատում է գագաթնաժողովի հետ ասոցացված գործընկերների համար ավելի շոշափելի արդյունքների հասնելու համար և կիսվել է իր տեսլականներով և առաջնահերթություններով ինչպես Եվրամիության, այնպես էլ գործընկեր երկրների հետ:

«Բնականաբար, մենք խոսում ենք համավարակի հետ կապված իրավիճակի մասին: Ինչպես գիտեք, Եվրամիությունը զգալի օգնություն է ցուցաբերել Վրաստանին ՝ ինչպես ուղղակիորեն «կովիդ 19»-ը զսպելու, այնպես էլ նրա սոցիալ-տնտեսական մարտահրավերները լուծելու հարցում: Կարևոր է Եվրամիության աջակցությունը և համերաշխությունը պատվաստանյութերի հավասար բաշխման գործընթացում և անհրաժեշտ պատվաստանյութեր ստանալու հարցում: Այս այցը բնական է, կարևոր կլինի նաև այս ուղղությամբ», – ասել է նախարարը:

Արտաքին գործերի նախարարի խոսքով, այցի շրջանակներում Եվրոպական խորհրդի նախագահը հանդիպումներ կանցկացնի Վրաստանի նախագահի, խորհրդարանի նախագահի և վարչապետի հետ: Նախատեսված է նաև Շառլ Միշելի հանդիպումը քաղաքական կուսակցությունների ղեկավարների հետ:

Ինչպես նշել է Դավիթ Զալկալիանին, հանդիպումների ընթացքում բնական է, որ խոսվելու է երկրում առկա քաղաքական իրավիճակի և դրա հաղթահարման ուղիների մասին:

«Վրաստանի իշխանությունները շահագրգռված են երկխոսությունը տեղափոխել քաղաքական գործընթացների կառուցողական շրջանակ: Սա բազմիցս հնչեցվել է բոլոր մակարդակներում, և Եվրամիության մեր գործընկերները աջակցում են երկխոսությանը և գործընթացների կառուցողական զարգացմանը», – հայտարարել է նախարարը:

Ըստ Զալկալիանիի, սա Շառլ Միշվելիի առաջին այցն է Վրաստան, որը ծրագրվել էր Վրաստանի նախագահի և վարչապետի Բրյուսել այցի ընթացքում:

Թողնել մեկնաբանություն