Եվրախորհրդարանը Գիորգի Ռուռուային ազատ արձակելը համարում է մարտի 8-ի համաձայնագրի մաս, եթե կատարվեն բոլոր պայմանները ապա ընդիմությունը պատրաստ է աջակցել փոփոխություններին. Սալոմե Սամադաշվիլի
Եվրախորհրդարանը Գիորգի Ռուռուային ազատ արձակելը համարում է մարտի 8-ի համաձայնագրի մաս, եթե կատարվեն բոլոր պայմանները ապա ընդիմությունը պատրաստ է աջակցել փոփոխություններին. Սալոմե Սամադաշվիլի

«Միասնական ազգային շարժում» կուսակցության անդամ Սալոմե Սամադաշվիլին արձագանքել է Եվրախորհրդարանում Վրաստանին վերաբերող հայտարարություններին:

Նրա խոսքով, պարզ է, որ Եվրախորհրդարանը Գիորգի Ռուռուային ազատ արձակելը համարում է մարտի 8-ի համաձայնագրի մաս:

«Մենք տեսանք ուղիղ կոչ, որ Գիորգի Ռուռուան անհապաղ ազատվի բանտից: Բացի այդ, իհարկե, Վրաստանում ժողովրդավարական գործընթացներն ունեն հսկայական աջակցություն, այդ թվում սահմանադրական փոփոխությունների, որոնք պետք է իրականացվեն մարտի 8-ի համաձայնագրի շրջանակներում», – ասել է Սամադաշվիլին:

Ազգային շարժման անդամի խոսքով, եվրոպացի գործընկերները խիստ անհանգստացած են երկրում դատական ​​համակարգի անկախության հիմնախնդրով:

«Իրականում դա նախազգուշացում և կարմիր քարտ էր Բիձինա Իվանիշվիլիին և Վրաստանի ներկայիս իշխանություններին:

Սա մատնանշում է, որ երկրում պետք է ավարտվի քաղաքական հետապնդումները, քաղաքական դրդապատճառներով արդարադատությունը, և ազատ արձակվի Գիորգի Ռուռուան, ով ձերբակալված է անհիմն մեղադրանքով, ինչպես դա հայտարարել են ԱՄՆ-ի սենատում:

Հետևաբար, այս ուղերձը ամբողջությամբ ուղղված է իշխանություններին»,- նշել է Սամադաշվիլին, հավելելով, որ ընդդիմությունն իր հերթին պատրաստ է աջակցել սահմանադրական փոփոխություններին, եթե կատարվեն բոլոր պայմանները: