Երբեք չենք դադարեցրել բանակցությունները աբխազական հասարակության հետ՝ բնակչության իրավական և մարդասիրական իրավիճակի բարելավման նպատակով, այդ թվում ոչ էլ կովիդ համավարակի պայմաններում. Թեա Ախվլեդիանի
Մենք պատրաստ ենք ընդլայնել ոչ ֆորմալ երկխոսության և համագործակցության հարթակը` հիմնված աբխազական և օսական հասարակության հետ ընդհանուր շահերի վրա: Ապաքաղաքականացված մոտեցումներով և բնակչության բարեկեցության համար, տարբեր մարդասիրական և մարդու իրավունքների հարցերի քննարկման համար»,- այս մասին խորհրդարանի հանձնաժողովների միավորված նիստում հայտարարել է Վրաստանի հաշտեցման և քաղաքացիական հավասարության հարցերով պետական նախարար, Թեա Ախվլեդիանին:
«Ես ուզում եմ ընդգծել, որ մենք երբեք չենք դադարեցրել այս երկխոսությունը` բնակչության իրավական և մարդասիրական իրավիճակը բարելավելու նպատակով, այդ թվում` համավարակի ժամանակ: Դա են վկայում կոնկրետ արդյունքները և մի շարք ոլորտների և թեմաների շուրջ նման երկխոսության արդյունքում ձեռք բերված համագործակցության դրական փորձը, ինչը ողջունելի է: Մենք ցանկանում ենք, որ այս գործընթացն ավելի ինտենսիվ դառնա և օգտագործվեն կապի բոլոր գոյություն ունեցող ոչ ֆորմալ ուղիները ընդհանուր հետաքրքրություն ներկայացնող հարցերի վերաբերյալ: Մեր ջանքերն ուղղված են լինելու այդ ալիքների հետագա դիվերսիֆիկացմանը ՝ հասարակության բոլոր խավերին հնարավորինս ներգրավելու երկխոսության հարթակներում», – ասել է Թեա Ախվլեդիանին:
