Ժողովրդական պաշտպանի կողմից ստեղծած բժիշկների խումբը հրապարակում է Վրաստանի նախկին նախագահ Միխեիլ Սաակաշվիլիի առողջական վիճակի մասին պատրաստած զեկույցը։
Զեկույցը հրապարակվել է Ժողովրդական պաշտպանի ֆեյսբուքյան էջում, որն առաջարկում ենք անփոփոխ.
«Ժողովրդական պաշտպանի կողմից ստեղծված մասնագետների/փորձագետների խմբի եզրակացությունը, Միխեիլ Սաակաշվիլիի առողջական վիճակի մոնիտորինգի արդյունքների վերաբերյալ.
Վրաստանի Ժողովրդական պաշտպանի 2021 թվականի նոյեմբերի 16-ի թիվ 157 հրամանով, ստեղծվել է մասնագետների/փորձագետների խումբ՝ մեղադրյալ/դատապարտյալ Միխեիլ Սաակաշվիլիին մատուցվող բժշկական ծառայությունների համարժեքությունն ու ժամանակին մատուցումը գնահատելու նպատակով։
2021 թվականի նոյեմբերի 16-ին, փորձագիտական այց է կատարվել թիվ 18 հիմնարկ հետևյալ մասնագետներով՝ Աիդա Գոզալովա, Թենգիզ Ծուլաձե, Գիորգի Կաճարավա, Նինո Զավրաշվիլի, Գրիգոլի Խուրցիձե, Գիորգի Գրիգոլիա, Գիորգի Պապիաշվիլի։ Փորձագետները զրուցել են Միխեիլ Սաակաշվիլիի հետ, տեղում գնահատել նրա առողջական վիճակը, ծանոթացել թիվ 18 հիմնարկի բժշկական հնարավորություններին, զրուցել գլխավոր բժշկի հետ և ծանոթացել հիվանդի առողջական վիճակի վերաբերյալ տվյալներին։
Այցից հետո, փորձագետների խումբը հանդիպել է 2021 թվականի նոյեմբերի 17-ին՝ քննարկելու մոնիտորինգի արդյունքները։ Քննարկման գործընթացին հեռակա կարգով մասնակցել է փորձագետ Մամուկա Մաչաիձեն։ Գնահատումներում մասնագետների խումբը հիմնվել է հիվանդի լավագույն շահերի ապահովման սկզբունքի վրա։
Հիվանդի վիճակի գնահատում
Ներկայիս կարգավիճակը – կրիտիկական
Ռիսկի գործոններ.
1. Հաստատվում է հացադուլի 48-րդ օրը
2. Վերնիկեի էնցեֆալոպաթիա
3. Մշտական հիպոկալեմիա – 08.11.2021 թվականից
4. Սակավարյունություն – Թալասեմիա + ստամոքս-աղիքային արյունահոսության մեծ հավանականություն
5. Լիարժեք բուժման մերժում
6. Բարձր սթրեսային միջավայր
Մոտ ապագայում սպասվող բարդություններ
1. Վերնիկեի էնցեֆալոպաթիայի սրացում՝ կոմայի, էպիլեպտիկ կարգավիճակով
2. Հիպոկալեմիայով առաջացած մահացու առիթմիա, ռաբդոմիոլիզի, երիկամային անբավարարություն
3. Ստամոքս-աղիքային արյունահոսություն
4. Հեմոլիզ – թալասեմիա + հիպոֆոսֆատեմիա
5. Թոքային էմբոլիա (անշարժացման և ջրազրկման հետևանքով)
6. Սրտի անբավարարություն
7. Հացադուլի դադարեցման դեպքում, սննդի վերականգնման (ռաֆինինգի) համախտանիշ
Նշված ռիսկեր ունեցող պացիենտների բուժման հաստատությունում պետք է լինի.
1. Համապատասխան սարքավորումներ և ենթակառուցվածք
2. Բազմամասնագիտական բժշկական անձնակազմ
3. Բարդ պացիենտի կառավարման թիմային փորձ
4. Բազմամասնագիտական բժշկական ծառայությունների շուրջօրյա և շտապ հասանելիություն
Հիվանդի տեղավորման բժշկական հաստատության իրավիճակային վերլուծություն.
1. Մեր տեսած բոլոր փաստական տվյալները վկայում են այն մասին, որ կլինիկան ներկայումս գտնվում է կազմավորման փուլում։ Բժշկական սարքավորումների մի մասը ֆունկցիոնալ է, մի մասն անցնում է թեստավորման ռեժիմ։ Բուժանձնակազմի աշխատանքի ընդունումը, ըստ մեզ տրամադրված տեղեկատվության, սկսվել է 3 շաբաթ առաջ։
2. Բարձր տեխնոլոգիական հետազոտության մի մասը տեղում չէ (օրինակ՝ MRI, սրտի կաթետերիզացման լաբորատորիա), ինչը անհնարին է դարձնում փակ օղակի ամփոփումը:
(Նշանակում է կլինիկական վիճակի սրման դեպքում հիվանդին այլ կլինիկա տեղափոխելու անհրաժեշտության վերացում)։
3. Բուժանձնակազմի առումով ներկայումս գործում է ներքին բժշկության բժիշկը և վերակենդանացման բրիգադը, որը գործում է 24 ժամյա ռեժիմում, իսկ հիվանդին պոտենցիալ անհրաժեշտ մասնագետներից ոմանք անընդհատ տեղում չեն։
Վիճակի հնարավոր սրման դեպքում այս խնդիրը կառաջանա, քանի որ տեղում թիմի կողմից հիվանդի կառավարումը բավարար չի լինի, օրինակ.
-Մեր կողմից հայտնաբերած Վերնիկեի էնցեֆալոպաթիան չի ախտորոշվել նյարդաբանի հետ կանոնավոր խորհրդակցության բացակայության պատճառով:
-Հնարավոր Գաստրո-ստամոքսային տրակտի արյունահոսության հնարավորության ուսումնասիրության անհրաժեշտությունը, կարիքին չնայած, օրակարգում չի եղել։
– Հիպոկալեմիայի ֆոնին հիվանդի շարունակական սրտային հեռաչափության անհրաժեշտությունը հաշվի չի առնվել՝ սրտաբանի կողմից հիվանդի թերագնահատման պատճառով:
4. Հաստատությունում մշտական ռեանիմատոլոգի առկայությունը ստեղծում է իրականությանը չհամապատասխանող անվտանգության զգացում: Հաշվի առնելով, որ հիվանդը բավականին հյուծված է, վերակենդանացման միջոցառումները, ամենայն հավանականությամբ, անարդյունավետ կլինեն, եթե դրանց կարիքը առաջանա:
5. Կյանքին սպառնացող որոշ բարդությունների դեպքում (օրինակ՝ ինֆարկտ, ինսուլտ, թրոմբոէմբոլիա), ըստ տեղի անձնակազմի, նախատեսվում է հիվանդին տեղափոխել այլ բուժհաստատություն, որը նրա վիճակի պատճառով կապված է կորցրած ժամանակի հետ, որը իր հերթին կրիտիկական վտանգ է ներկայացնում հիվանդի կյանքի համար:
6. Ելնելով հիվանդի առանձնահատկություններից, շտապ տեղափոխման որոշում կայացնելը պահանջում է երկարատև համակարգում տարբեր օղակների միջև:
Եզրակացություն
Հիվանդի վիճակի ծանրությունից ելնելով, խորհուրդ է տրվում անհապաղ բուժումը շարունակել ֆունկցիոնալ և փորձառու պոլիպրոֆիլակտիկ հիվանդանոցում, մասնավորապես՝ վերակենդանացման բաժանմունքում, որի պայմանները թիվ 18 հիմնարկի կլինիկան չի բավարարում։
Մասնագետների/փորձագետների խմբի անդամներ՝ Գիորգի Գրիգոլիա, Գրիգոլի Խուրցիձե, Գիորգի Կաճարավա, Գիորգի Պապիաշվիլի, Աիդա Գոզալովա, Թենգիզ Ծուլաձե, Նինո Զավրաշվիլի և Մամուկա Մաչաիձե:
