Վրաստանի խորհրդարանի նախագահ Իրակլի Կոբախիձեին Վաշինգտոնում, Ատլանտյան խորհրդում հանդիպման ժամանակ հարցեր են ուղղել Թբիլիսիում անցկացված բողոքի ցույցերի հետ կապված:

Իրակլի Կոբախիձեն հայտարարել է, որ Խորավայի փողոցում սպանության հետաքննության պահանջով սկսված բողոքի ցույցերը մեկ անգամ ևս հաստատել են վերջին տարիներին քաղաքացիական հանրության և քաղաքական մշակույթի առաջընթացը Վրաստանում:

«Այս հանրահավաքները ցույց են տվել, որ Վրաստանում զարգացել է ոչ միայն քաղաքացիական հանրությունը, այլ ձևավորվել է նաև քաղաքական մշակույթը: Մենք այդ տեսանկյունից նախկինում ունեցել են դրամատիկ խնդիրներ: Այն ժամանակ բողոքի ցույցերի և հանրության բողոքի արդյունքում ոչ մի բարձրպաշտոնյա հրաժարական չի տվել: Այժմ այս բողոքի ցույցրի գլխավոր խնդիրը հետաքննության ճիշտ անցկացումն էր: Ցուցարարները համարում էին, որ հետաքննության վրա իրականացվում էր ճնշում: Հենց ակցիաների ֆոնին հրաժարական է տվել գլխավոր դատախազը: Նա մեկ անգամ ևս հաստատեց, որ մենք քաղաքական մշակույթի տեսանկյունից հասել ենք կարևոր արդյունքի»,- հայտարարել է Իրակլի Կոբախիձեն:

Նրա խոսքով, Վրաստանում հանրությունը շատ զգայուն է մարդու իրավունքների ոտնահարման փաստերի նկատմամբ, եթե նրանց մոտ այդ հարցով ծագում են կասկածներ:

«Վրաստանում առաջին անգամ է եղել նման բան, որ սպանության կոնկրետ գործով խորհրդարանում ստեղծվում է քննչական հանձնաժողով և այդ հանձնաժողովում մեծամասնության տեսքով ներկայացված է ընդդիմությունը: Սրանով մեկ անգամ հաստատում ենք, որ իշխանությունը թաքցնելու ոչինչ չունի, այլ հակառակը, Խորավայի փողոցում տեղի ունեցած սպանության հետաքննությունը նաև մեր շահերում է»,- հայտարարել է Կոբախիձեն: