Վրաստանում ընդհանուր միջավայրը ժողովրդավարկան ընտրություններին համապատասխան է, սակայն դեռևս կա նշված միջավայրի բարելավման հնարավորություն. ԵԽԽՎ
Եվրախորհրդի խորհրդարանական վեհաժողովը գնահատել է Վրաստանում նախընտրական միջավայրը: Եվրախորհրդի խորհրդարանական վեհաժողովի պատվիրակությունը գերմանացի պատգամավոր Անդրեյ Հունկոյի գլխավորությամբ նախընտրական միջավայրը գնահատելու համար Թբիլիսիում էր գտնվում սեպտեմբերի 19-20-ին:
Ինչպես ասվում է Եվրախորհրդի խորհրդարանական վեհաժողովի պաշտոնական կայքէջում հրապարակված հայտարարությունում, Վրաստանում ընդհանուր միջավայրը ժողովրդավարական ընտրություններին համապատասխան է, սակայն տարբեր զրուցակիցների հետ քննարկումից հետո, պատվիրակությունը համարել է, որ դեռևս կա նշված միջավայրի բարելավման հնարավորություն և մինչև ընտրություններ մնացած ժամանակը բավական է, որպեսզի բարելավումը իրագործվի առնվազն մասամբ:
Պատվիրակությանը տեղեկացրել են, որ մեդիամիջավայրը բևեռացված է, կոնկրետ ԶԼՄ-ների կողմից և սոցիալական ցանցում լսվում է ատելության լեզու, ինչպես նաև իրագործվում են անձնական հարձակումներ թեկնածուների վրա:
Վրաստանում նախագահական ընտրությունների ժամանակ քվեարկության գործընթացն ուսումնասիրելու է Եվրախորհրդի խորհրդարանական վեհաժողովի 33 անդամից բաղկացած պատվիրակությունը: