Վրաստանում արձանագրվել է կորոնավիրուսի ութ նոր դեպք, ապաքինվել է ևս 23 մարդ

10:42, 02.07.2020

Վրաստանում արձանագրվել է կորոնավիրուսի ութ նոր դեպք: Այս մասին տեղեկությունը թարմացվել է կառավարության կողմից ստեղծված՝ stopcov.ge հատուկ կայքում:

Այսպիսով, այս պահի դրությամբ Վրաստանում հաստատված է նոր կորոնավիրուսի 939 դեպք: Ապաքինվել է ևս 23 պացիենտ և ապաքինվածների թիվը կազմում է 817:

Բացի այդ, բուժման նպատակով Վրաստան է տեղափոխվել երեք քաղաքացի:

Կորոնավիրուսի հետևանքով մահացել է 15 մարդ:

Կարանտինի ռեժիմում է մնում 3080 մարդ, ստացիոնար հսկողության տակ՝ 242-ը:

Հեղինակ - edgar barsegyan