Վրաստանի խորհրդարանի նախագահը հանդիպել է Հայաստանի փոխվարչապետին
Վրաստանի խորհրդարանի նախագահը հանդիպել է Հայաստանի փոխվարչապետին

Վրաստանի խորհրդարանի նախագահ Արչիլ Թալակվաձեն հանդիպել է Հայաստանի Հանրապետության փոխվարչապետ Տիգրան Ավինյանին, ով Վրաստանում է «Մետաքսի ճանապարհի համաժողովի» շրջանակներում:

Զրույցի գլխավոր թեման է եղել երկու երկրների միջև գործընկերային և բարեկամական հարաբերությունները: Նրանք գոհունակություն են հայտնել երկու երկրների միջև քաղաքական և առևտրատնտեսական կապերի զարգացման դրական դինամիկայի կապակցությամբ։

Տիգրան Ավինյանը և Արչիլ Թալակվաձեն ընդգծել են նաև խորհրդարանական դիվանագիտության դերը Հայաստանի ու Վրաստանի միջև բարեկամական կապերի ամրապնդման գործում։ Այս համատեքստում կողմերը անդրադարձ են կատարել երկու երկրների խորհրդարաններում գործող բարեկամության խմբերի աշխատանքին և խորհրդարանական հանձնաժողովների միջև համագործակցությանը։

Վրաստանի խորհրդարանի նախագահը և Հայաստանի փոխվարչապետն ընդգծել են բարձր մակարդակի այցերը և հանդիպումները շարունակելու անհրաժեշտությունը:

Թողնել մեկնաբանություն