Վրաստանի խորհրդարանական պատվիրակությունը Հռոմում կմասնակցի Եվրոպայի խորհրդի խորհրդարանական վեհաժողովի բյուրոյի և մշտական կոմիտեի աշխատանքներին
Վրաստանի խորհրդարանական պատվիրակությունը Հռոմում կմասնակցի Եվրոպայի խորհրդի խորհրդարանական վեհաժողովի բյուրոյի և մշտական կոմիտեի աշխատանքներին

Եվրախորհրդի խորհրդարանական վեհաժողովում Վրաստանի խորհրդարանական պատվիրակության ղեկավար Իրակլի Չիքովանին և խորհրդարանական վեհաժողովի բյուրոյի անդամ, վեհաժողովի փոխնախագահ Իրակլի Կոբախիձեն կմասնակցեն բյուրոյի և մշտական կոմիտեի աշխատանքներին:

Հանդիպումները տեղի կունենան Հռոմում, Եվրախորհրդի գործող նախագահ երկրի, Իտալիայի նախագահությամբ:

Օրակարգի համաձայն՝ նիստի մասնակիցներին խոսքով կդիմեն Իտալիայի խորհրդարանի ներկայացուցիչների պալատի նախագահ Ռոբերտո Ֆիկոն և Սենատի նախագահ Մարիա Էլիզաբետա Ալբերտ Կաստելատին։

Իտալիայի արտաքին գործերի և միջազգային համագործակցության նախարար Լուիջի Դի Մայոն կխոսի Իտալիայի նախագահության ընթացքում նախատեսված միջոցառումների մասին։

Վեհաժողովը կքննարկի և կընդունի նաև կոմիտեների կողմից պատրաստված մի քանի զեկույցներ և բանաձևեր:

Պատգամավորներն իրենց այցը Իտալիա կավարտեն նոյեմբերի 27-ին։

Տեղեկությունը տարածում է Վրաստանի խորհրդարանի մամուլի ծառայությունը։

Թողնել մեկնաբանություն